الماتىدا 6 مىڭنان استام اعاش وتىرعىزىلادى
بۇل اكسيانى «جاسىل ەكونوميكا» باسقارماسى ۇيىمداستىرادى.
كوكتەمنىڭ سوڭىنا دەيىن قالا باسشىلىعى 12 مىڭنان استام اعاش وتىرعىزۋدى جوسپارلاپ وتىر.
سونىمەن قاتار، دەمالىس كۇندەرى قالانىڭ بارلىق اۋداندارىندا كوشەلەر، اۋلا ايماقتارى، كوپشىلىك ورىندار، وزەن ارنالارى مەن جاعالاۋلارى تازالانادى.
بۇعان دەيىن «Jasyl meken» اكسياسى بارىسىندا ءال- فارابي داڭعىلىنىڭ بويىنداعى ءبولۋ جولاقتارىنا 800 جاپىراقتى جانە قىلقان جاپىراقتى اعاش وتىرعىزىلعان ەدى.
1975 -جىلدىڭ ساۋىرىنەن باستاپ مۇندا 30 عا جۋىق اعاش تۇرلەرى وتىرعىزىلعان بولاتىن، سولاردىڭ تەك ۇشەۋى - تالشىن، قاراعاي جانە شىرشا تامىر جايدى. سوندىقتان وسى اعاش تۇرلەرىن عانا وتىرعىزۋ جونىندە شەشىم قابىلداندى.
الماتى قالاسىنىڭ «جاسىل ەكونوميكا» باسقارماسى بارلىق الماتىلىقتاردى جالپى قالالىق «Jasyl Meken» اكسياسىنا قاتىسۋعا جانە ءوز اۋلالارىندا اعاش وتىرعىزۋعا شاقىرادى.