قان قىسىمىن ءۇي جاعدايىندا تومەندەتۋدىڭ 6 قۇرالى

 استانا. قازاقپارات - گيپەرتونيا نەمەسە جوعارى قان قىسىمى اعزاداعى جۇرەكتىڭ جۇمىس جاساۋىنا كەدەرگى كەلتىرەتىن بىردەن- ءبىر فاكتورلاردىڭ ءبىرى.

ءبىز ءۇي جاعدايىندا قان قىسىمىن رەتكە كەلتىرۋگە كومەكتەسەتىن تابيعي قۇرام تۋرالى ايتاتىن بولامىز.

الايدا بۇل قۇرالداردىڭ اسا جوعارى پايداسى بولا تۇرا، دارىگەرگە كورىنىپ، كەڭەس الۋدى ءجون ساناعانىڭىز ابزال.

جوعارى قان قىسىمى جانە وسى جاعدايدىڭ بەلگىلەرى

دارىگەر قان قىسىمىن بىرنەشە رەت ولشەي وتىرىپ انىقتاي الادى. گيپەرتونيا كەزىندە ادام مىناداي بەلگىلەردى سەزىنۋى ابدەن مۇمكىن: باستىڭ قاتتى اۋىرۋى، كەۋدە تۇسىنىڭ اۋرۋى، كوزدىڭ بۇلدىراۋى، بەتتىڭ قىزارۋى، باستىڭ اينالۋى، جۇرەكتىڭ اينۋى جانە قۇسۋ.

گيپەرتونيانى ەمدەۋ

گيپەرتونياسى انىقتالعان ادام ءوزىن كۇتىنۋى قاجەت، ارتىق سالماقتان ارىلۋى ءتيىس (ارتىق سالماقتىڭ بولۋى گيپەرتونيا كەزىندە وتە قيىن). بۇل ءۇشىن دۇرىس تاماقتانىپ، قۇنارلى جەمىس- جيدەكتەردەن تۇراتىن، سونداي-اق مايى از تاعامداردى تۇتىنعانى دۇرىس. تۇزدى قولدانۋدى ازايتىپ، شىلىم شەكپەي، ىشىمدىك ىشپەي، دەنە جاتتىعۋلارىن جاساۋعا كەڭەس بەرىلەدى.

الايدا جوعارى قان قىسىمىن رەتكە كەلتىرۋگە مۇنىڭ ءوزى ازدىق ەتىپ جاتادى. كوبىنە- كوپ ءدارى- دارمەككە جۇگىنۋگە تۋرا كەلەدى.

جوعارى قان قىسىمىن رەتكە كەلتىرۋگە كومەكتەسەتىن ءۇي قۇرالدارى

ليمون شىرىنى جانە اقجەلكەن

ليمون شىرىنى مەن اقجەلكەننىڭ قوسىندىسى نەسەپ ايداعىش قاسيەتكە يە. اعزاداعى ارتىق سۇيىقتىقتى شىعارۋ ارقىلى وزگە دە زياندى زاتتار شىعىپ، بۇل قان قىسىمىنىڭ تومەندەۋىنە كومەكتەسەدى.

قاجەتتى زاتتار:

1 ليمون شىرىنى

1 ستاكان سۋ

1 اس قاسىق تۋرالعان اقجەلكەن (10 گ).

دايىنداۋ ءتاسىلى:

بارلىق زاتتاردى بلەندەر ىدىسىنا سالىپ، ارالاستىرىڭىز. قارسى كورسەتىلىمدەر بولماسا، كۇنىنە 1 ستاكاننان ىشۋگە كەڭەس بەرىلەدى.

سارىمساق

كوپتەگەن ماماندار سارىمساقتى قان قىسىمىن رەتكە كەلتىرەتىن بىردەن- ءبىر قۇرال دەپ سانايدى. ول سونىمەن قاتار قانداعى حولەستەرين قۇرامىن دا ازايتادى.

سارىمساقتى ءسىز تابلەتكا تۇرىندە نە كاپسۋلا تۇرىندە دە پايدالانا الاسىز، ەڭ دۇرىسى شيكىلەي تۇتىنۋ. كۇنىنە ءبىر سارىمساقتى جەۋىڭىز قاجەت. ودان پايدانى كوبىرەك الۋ ءۇشىن الدىمەن ونى سۋ قۇيىلعان ىدىسقا بىرنەشە ساعاتقا سالىپ قويعان دۇرىس.

سۇلى جارماسى

سۇلى جارماسىندا تاعام تالشىقتارى وتە مول ۇشىراسادى. جاسۇنىقتى پايدالانۋ دا قان قۇرامىنداعى حولەستەريننىڭ %5 پايىزعا ازايۋىنا تۇرتكى بولارى انىق. سۇلى جارماسىن تاڭعى اسقا تۇتىنۋ قان قىسىمىن رەتكە كەلتىرەدى.

اشى شوكولاد

اشى شوكولاد قۇرامىندا (كاكاو مولشەرى p-دان كەم ەمەس) فلاۆانويد سەكىلدى بەلسەندى قۇرالدار بار. ولار قان قىسىمىن رەتكە كەلتىرىپ، اعزاعا پايدا اكەلە الادى. بۇل جەردە شوكولادتىڭ اشى بولعانى ماڭىزدىراق، كاكاو مولشەرى كوپ بولعانى اناعۇرلىم پايدالى. بۇل ءۇشىن ءسۇتتى شوكولاد پايداسىز.

ءزايتۇن مايى

وزگە دە پايدالى زاتتاردان بولەك، ءزايتۇن مايى دا قان قىسىمىن رەتتەۋگە جاردەمدەسە الادى. ول اتاقتى «جەرورتا تەڭىزى ديەتاسىنىڭ» اجىراماس بولىگى، سوندىقتان دا قانداعى حولەستەريندى ازايتۋعا ءارى سۋسامىردى باقىلاۋعا جاقسى كومەك بەرە الادى.

لاۆاندا

قان قىسىمىن تۇسىرەتىن تاعى دا ءبىر تابيعي ءونىم لاۆاندا ەكەنى ەلگىلى. بۇل وسىمدىكتى الدىن الا دايىنداپ، ارتىنشا ودان تۇنبا ازىرلەۋگە بولادى. سونىمەن قاتار ونى تابلەتكا نە كاپسۋلا تۇرىندە دە تۇتىنۋعا مۇمكىندىگىڭىز بار، ءدارىحانالاردا قول جەتىمدى.

ءۇي جانۋارلارى

ۇيىڭىزدە ءيت نە مىسىق بولسا، تىپتەن جاقسى! ولار ءسىزدىڭ قان قىسىمىڭىزدى رەتتەيتىن ايرىقشا قۇرال بولۋى مۇمكىن. ءتىپتى اكۆاريۋمىڭىزداعى بالىقتىڭ وزىنە زەر سالىپ قاراساڭىز، بۇل دا قان قىسىمىنىڭ مەيلىنشە تومەندەۋىنە اكەپ سوقتىرادى.

تەراپيانىڭ بۇل ءتۇرى قان قىسىمى كۇيزەلىستەن تۋعان جاعدايدا جاقسى اسەر بەرەدى.

 

دەرەككوزى: ​orthodox.od.ua