جۇرەكتى بۇزاتىن 6 ادەت

استانا. قازاقپارات - جۇرەك ساۋ بولىپ قالۋ ءۇشىن دۇرىس تاماقتانۋ مەن سپورت جەتكىلىكسىز. كەي ادەتتەردەن قۇتىلعان ءجون.

 1. كۇنى بويى وتىرۋ مايو (ا ق ش) كلينيكاسى ماماندارىنىڭ ايتۋىنشا، كۇنىنە 10 ساعاتتان ارتىق وتىرۋ ادەتى جۇرەك- قان تامىرلارى اۋرۋلارىن 2 ەسە جوعارىلاتادى. ماي كەتپەيدى، قان اينالىمى باياۋلايدى جانە ماي قىشقىلدارى تامىرلاردى وڭاي بىتەيدى.

 2. ابىرجۋ كۇيزەلۋ -  قالىپتى، ءبىراق ونى ىشتە ۇستاۋ دۇرىس ەمەس. اۋىرتپالىقتى باسىڭىز: سپورتپەن اينالىسىڭىز، مەديتاتسيا جاساڭىز نەمەسە دوستارمەن سويلەسىڭىز. عالىمداردىڭ ويىنشا، اۋىرتپالىقتى تۇسىرۋگە كومەكتەسەتىن جانە جۇرەگىڭىزگە ەڭ پايدالىسى ۋاقىتىلى جاتتىعۋ جاساۋ ەكەن.

 3. ءتىس ءجىبىن قولدانباۋ ءتىس ءجىبى تەك تىسكە عانا پايدالى ەمەس. ول تاماق قالدىعىن الىپ، باكتەريا كوبەيۋىنىڭ الدىن الادى. زەرتتەۋلەر اۋىزداعى باكتەريا قانعا ءوتىپ، قابىنۋ شاقىراتىنىن كورسەتەدى. سوزىلمالى قابىنۋ ءوز كەزەگىندە قان تامىرلار اۋرۋىنا اكەلەدى. ناتيجەسىندە، ونىڭ بارلىعى ينسۋلتكە نەمەسە ينفاركتقا اكەلۋى مۇمكىن.

 4. الكوگولدى ارتىق ءىشۋ ۇنەمى الكوگول ىشەتىن ادامدار گيپەرتونيا (جوعارى قان قىسىمى) ، ارتىق سالماق، ينسۋلت، بۇيرەك اۋرۋلارى، راك جانە دەپرەسسياعا ءجيى شالدىعادى.

 5. ۇيقىنىڭ قانباۋى ۇيقى جۇرەك- قان تامىرلارى جۇيەسىنە دەمالۋعا مۇمكىندىك بەرەدى: ءبىز ۇيىقتاپ جاتقاندا جۇرەكتىڭ جيىرىلۋ جيىلىگى جانە ارتەريالىق قىسىم تومەندەيدى. ال سوزىلمالى ۇيقىنىڭ قانباۋى، كەرىسىنشە، كورتيزول مەن ادرەنالين دەڭگەيىن كوتەرەدى. سونىڭ سەبەبىنەن اعزا ناعىز كۇيزەلىستى وتكەرەدى. كوپتەگەن زەرتتەۋلەر 6 ساعاتتان كەم ۇيىقتايتىن ادامدار جۇرەك اۋرۋىمەن كوبىرەك اۋىرىپ، ءجيى ينسۋلتتان قايتىس بولاتىندىعىن دالەلدەيدى.

 6. قوعامنان الشاقتاۋ كەيدە قاربالاستان الشاق كەتكىسى كەلەتىن كۇي اركىمنىڭ باسىنان وتەدى. ول قالىپتى جاعداي. ءبىراق قاتىناس (سويلەسۋ) جەتىسپەيتىن ادامدار جۇرەك اۋرۋىنان قايتىس بولۋعا تاۋەكەل ەتەدى. كەي زەرتتەۋلەر بويىنشا، جالعىزدىق تەمەكى تارتۋ، گيپەرتونيا جانە جوعارى حولەستەرين مولشەرى سەكىلدى قاۋىپ توندىرەدى ەكەن.

Massaget.kz