الماتىلىق 6 جاسار قىز رەسەي كورەرمەندەرىن تاڭعالدىردى - كەسكىن
11:58, 16 - ءساۋىر 2018
استانا. قازاقپارات - الماتى تۇرعىنى 6 جاسار ليەل ماحپيروۆا ماكسيم گالكيننىڭ ءبىرىنشى ارناداعى «بارىنەن مىقتى» شوۋىنا قاتىستى
باعدارلامانىڭ ساحناسىندا قىز بالا قيىن ورىندالاتىن گيمناستيكالىق تريۋكتەر كورسەتىپ، كورەرمەندەردى تاڭعالدىردى. «جارايسىڭ، جارايسىڭ»، - دەدى زالداعى كورەرمەندەر. ونەر كورسەتىپ بولعاننان كەيىن باعدارلاما جۇرگىزۋشىسى قىزعا مەدال تاعىپ، تاتتىلەر سالىنعان سومكە مەن گۇل تابىستادى. كىشكەنتاي ءارتىس وسى كۇنگە دەيىن بىرنەشە ماراپاتقا يە بولعان. باعدارلاماعا قىز بالا اكەسى ازيم مەن اپكەسى كارينامەن بىرگە كەلگەن.
ايتا كەتەيىك، كارينا دا وسىعان دەيىن «بارىنەن مىقتى» شوۋىنا قاتىسقان ەدى.
Kaz.tengrinews.kz