"CNBC"- ءدىڭ مالىمدەۋىنشە، Facebook اكسيالارىنىڭ باعاسى 19 - ناۋرىز كۇنى 8 پايىزعا ءتۇسىپ كەتكەن. بۇعان سەبەپ، دەمالىس كۇندەرى دونالد ترامپتىڭ سايلاۋالدى كومپانياسىنىڭ مۇددەلەرى ءۇشىن سايلاۋشىلاردىڭ پىكىرىن زەرتتەگەن «Cambridge Analytica» اقپاراتتارى سەبەپ بولىپ وتىر. ولار الەۋمەتتىك جەلى پايدالانۋشىلاردىڭ رۇقساتىن الماي، جەكە باسىنا قاتىستى مالىمەتتەردى تەكسەرگەن. وسىنىڭ سالدارىنان سۋكەربەرگ 6,06 ميلليارد دوللار اقشاسىنان ايرىلىپ وتىر.
ول «Bloomberg» ستاتيستيكاسى بويىنشا الەمدەگى ەڭ باي ادامداردىڭ ءتورتىنشى ساتىسىنا جايعاسقان. سۋكەربەرگتىڭ الدىندا دجەف بەزوس، بيلل گەيتس، ۋوررەن باففەتتار بار. Facebook "Cambridge Analytica"- عا ەشقانداي قاتىسى جوق ەكەنىن ايتىپ اقتالىپ وتىر. وسىعان قاراماي كوپتەگەن تانىمال ادامدار، اتاپ ايتقاندا، امەريكالىق ساياساتشىلار بۇل داۋعا ءوز پىكىرىن ءبىلدىرىپ جاتىر. ا ق ش دەموكراتتار پارتياسىنىڭ وكىلى سەناتور مارك ۋورنەردىڭ مالىمدەۋىنشە Facebook- ءتىڭ ساياساتى "جابايى باتىس" ءداۋىرىن ەسكە سالۋدا. سونىمەن بىرگە، "Cambridge Analytica"- عا اقپاراتتاردى "Global Science Research" فيرماسىنىڭ نەگىزىن سالعان ءوز قىزمەتكەرلەرى دجوزەف كانسەللور، الەكساندر كوگان جەتكىزىپ تۇرعان. حابارلارعا قاراعاندا، Facebook قاۋىپسىزدىك ءبولىمىنىڭ باسشىسى الەكس ستاموس مەرزىمىنەن بۇرىن جۇمىستان كەتۋى مۇمكىن.
Massaget.kz