امەريكالىق ايەل ءبىر مەزەتتە 6 بالانى دۇنيەگە اكەلدى - كەسكىن
بۇعان دەيىن ءۇش ۇل تاربيەلەپ وتىرعان كورتني جانە ەريك ۆالدروپتىڭ وتباسىندا ءبىر مەزەتتە تاعى ءۇش ۇل جانە ءۇش قىز قوسىلعان.
بۇل تۋرالى اعىلشىن باسىلىمى The Daily Mail گە سىلتەمە جاساپ Stan.kz حابارلايدى.
وتباسىن قۇرعان كۇننەن باستاپ كورتني مەن ەريك كوپبالالى بولۋدى ارمانداپتى. الايدا ءبىر مەزەتتە التى بىردەي نارەستەنىڭ اتا- اناسى بولامىز دەپ ويلاماعاندارىن ايتادى.
الاباما شتاتىندا تۇراتىن ەرلى- زايىپتىلار بۇگىندە باقىتتى. سەبەبى ءبىر كەزدەرى ولار، ءتىپتى ءبىر سابيگە جەتە الماي زار جىلاعان. 2008 -جىلى تۇڭعىشتارى سەيلور ومىرگە كەلگەن سوڭ، كورتني تۇسىك تاستاعان. بۇدان كەيىن بالا ءسۇيۋ ءۇشىن جۇپ ۇزاق ۋاقىت ەمدەلگەندى. ەگىز ۇلدارى ۋەيل مەن موستتى ومىرگە اكەلۋ ءۇشىن جاساندى ۇرىقتاندىرۋعا دا جۇگىنگەن كورىنەدى.
ءتورتىنشى ءسابيىن ءتۇسىرىپ العان سوڭ، دارىگەرلەر ايەلدىڭ بەدەۋ بولىپ قالۋى مۇمكىن ەكەنىن ەسكەرتكەن. الايدا كوپ ۇزاماي كورتنيدىڭ اياعى اۋىرلاعاندى. ۋزي انا جاتىرىندا التى بىردەي ءسابيدىڭ جاتقانىن انىقتاعان. بۇل جايت كورتني مەن ەريككە ءبىر جاعىنان قۋانىش سىيلاسا، ەكىنشى جاعىنان كوڭىلدەرىندە قورقىنىش ۇيالاتقان.
انانىڭ ومىرىنە قاۋىپ ءتونۋى مۇمكىن ەكەنىن ايتقان دارىگەرلەر بالالاردىڭ بىرنەشەۋىن قالدىرىپ، قالعانىنان قۇتىلۋعا ۇسىنىس جاساپتى. الايدا اتا- اناسى بۇل ۇسىنىستان باس تارتىپ، بارلىق بالالارىنا مۇمكىندىك بەرگەن.
ءۇش ۇلعا لەيكە برايارس، بليۋ ۆەللينگتون جانە تەگ بريكەر دەپ، ال ءۇش بىردەي حانشايىمعا ريۆەرس ماككولل، رەين ماككوي جانە روۋلينگس ماككەين ەسىمدەرى بەرىلگەن.