ۇرىلار دۇكەننەن 6 ميلليون دوللارلىق قىمبات زاتتاردى جىمقىرىپ كەتتى
15:51, 03 - قاڭتار 2017
استانا. قازاقپارات - قىلمىسكەرلەر ۇرلىق ىستەر ساتتە پوليتسيانىڭ باسىم بولىگى قالانىڭ جاپپاي ويىن-ساۋىق وتەتىن كوشەلەرىندە قاۋىپسىزدىكتى قامتاماسىز ەتۋگە جۇمىلدىرىلعانىن بىلگەن.
نيۋ-يورك پوليتسياسى زەرگەرلىك دۇكەننەن قۇنى التى ميلليون ا ق ش دوللارى بولاتىن قىمبات زاتتاردى قولدى ەتكەن ءۇش ەر ادامدى ىزدەۋدە.
بۇل تۋرالى NBC تەلەارناسى حابارلادى. قىلمىس 2017-جىل باستالۋعا ءبىر ساعات قالعاندا جاسالعان.
ۇرىلار جۇزىك، گاۋھار تاس، اشەكەيلەردى، 18 كاراتتى التىن بىلەزىكتى ۇرلاپ، عيماراتتان كەدەرگىسىز شىعىپ كەتكەن.