بۇل تۋرالى Kleine Zeitung حابارلادى دەپ جازادى lenta.ru.
مەرت بولعانداردىڭ بارلىعى ءبىر وتباسىنىڭ مۇشەلەرى بولىپ شىقتى. ولاردىڭ اراسىندا ەگدە ايەل، ونىڭ قىزى مەن بالاسى جانە 3 نەمەرەسى بار. بالالاردىڭ جاستارى 7-10 ارالىعىندا. الدىن الا مالىمەتتەر بويىنشا، كوپبالالى انا ءوزىنىڭ تۋىستارىن اتىپ تاستاپ، ارتىنان ءوزى اتىلىپ ولگەن. ايەل ازاماتشانى وسىنشاما جانكەشتىلىككە يتەرمەلەگەن نە سەبەپ ەكەنى ازىرگە ايتالمادى.
پسيحولوگ مامان راينحارد حاللەردىڭ ايتۋىنشا، ايەلدەر مۇنداي ارەكەتتەرگە وتە سيرەك بارادى. بۇل جەردە ايەل ۋاقىتشا ەسىن جوعالتۋى دا مۇمكىن. Kronen Zeitung باسىلىمىنىڭ مالىمەتتەرى بويىنشا، وتباسى بۇل ايماقتا 20 جىلعا جۋىق ۋاقىتتان بەرى ءومىر ءسۇرىپ كەلگەن. كورشىلەرى تۋىستاردىڭ اراسىندا قانداي دا ءبىر جانجال نەمەسە ۇرىس- كەرىس بولعان كەزدەرىن ەستەرىنە تۇسىرە المادى. 31 - قازان كۇنى دانيا پوليتسياسى وبەنرو قالاسىنداعى پاتەرلەردىڭ بىرىنەن مۇزداتقىش كامەرادان جاس ايەل مەن ونىڭ ەكى قىزىنىڭ ءمايىتىن تاۋىپ الدى. بۇل ارەكەت بويىنشا باستى كۇدىكتى ايەلدىڭ كۇيەۋى بولىپ وتىر. ول سونىمەن قاتار مەرت بولعان قىزداردىڭ اكەسى. وعان ىزدەۋ جاريالاندى.