اشۋلانشاق ايەلگە ارنالعان 6 كەڭەس

استانا. قازاقپارات - ادام مەن ادامدى قوساتىن نارسە نە دەگەندە جاقسى مىنەز، سابىرلى ۇستانىم بولماق.

ەگەر ادام ءوزىنىڭ ءومىرىن اشۋعا ەمەس ۇدايى اقىلعا باعىندىرا بىلسە وندا ونىڭ اينالاسى جاقسى جاندارعا تولى بولماق. ءبىز بۇل اشۋدى قالاي اۋىزدىقتاۋعا بولاتىنى جايلى ايتپاقپىز.

1. اشۋ مەن ىزا اقىماقتىڭ بەلگىسى. سوندىقتان اشۋلانعان ادامعا داۋىس كوتەرۋدىڭ ورنىنا ءوزىڭىز ءبىر مەزگىل دامىل تابىڭىز.

رەنجىسىپ ونى دا ءوزىڭىزدى دە قيناماڭىز. وتكەن ءىستى قايتا قالپىنا كەلتىرە المايتىندىقتان ونىڭ بولاشاقتا قايتالانباۋى ءۇشىن ارەكەت جاساڭىز. اشىق ءارى اڭگىمە كومەكتەسۋى كەرەك.

2. «ايتىلماعان سوزگە سەن ءوزىڭ قوجاسىڭ، ال ايتىلعان سوزگە سەن ءوزىڭ قۇلسىڭ» دەپ ايتقانداي، قانداي جاعداي بولماسىن، ىشتە بۇگىلىپ، كەلىپ تۇرعان سوزدەردى ايتپاي، سابىر ساقتاعان ءجون. اشۋمەن ايتىلعان اۋىر سوزدەر، ۋاقىت ءوتىپ، ۇمىتىلىپ كەتەدى. ءبىر ساتتىك سابىرسىزدىقتان ساقتانىپ، ونىڭ سان جىلدىق سالدارمەن كۇرەسۋدىڭ قاجەتى جوق.

3. ءسىزدى قانشا جەردەن اشۋلاندىرىپ تۇرسادا، ول ادامعا ەشتەڭە ايتپاستان، كوزىنە تىكە قاراپ، كەتىپ قالىڭىز. بۇل ارەكەتىڭىز وعان اسەر ەتپەۋى، ونى ويلاندىرۋى مۇمكىن. بۇل قادامىڭىزبەن ءسىز ونىڭ قاتەلىگىن ءبىر ءسات سەزىندىرەسىز. ايىپتى ادامنىڭ الدىندا ابىرويىڭىز ارتا تۇسەدى. وسىنى ەستە ساقتاڭىز. بارلىعى اشۋمەن ەمەس، كەشىرگەن ادامنىڭ كەيپىمەن رياسىز كوڭىلمەن جاسالىنۋى كەرەك.

4. اشۋلانعان ادامعا قارىمتا قايتارماڭىز. وعان ءسىز ۇتىلاسىز. مۇندايدا ءمىز باقپاي شىدامدىلىق تانىتىپ، وتىرىڭىز. ءوزىڭىزدى قويارعا جەر تاپپاي، بويىڭىزداعى تەرىس ارەكەتتى سىرتقا وعان شىعارىپ جۇرمەڭىز. جانىڭىزدى وندايدا جاقىن ادامىڭىزبەن سويلەسىڭىز. سىرلاسىپ سىرىڭىزدى اقتارىڭىز.

5. وزىڭىزگە ىشتەي «توقتا» دەپ ايتىپ، ونى ادەتكە سالىڭىز. ومىردە كەشىرىلمەيتىن كۇنا مەن كىنا جوق. كىمنىڭ قاتەلەسكەنى، كىمنىڭ قاتەلەسپەگەنىن، جاساعانىن اجىراتىپ ايىراتىن ءسىز ەمەس. اركىم ءوزىنىڭ امالىنا قاراپ، جاۋاپ بەرەتىنى بەلگىلى.

6. اشۋلاندىرىپ ادامدى رەنجىتىپ العىڭىز كەلمەسە، ونىڭ تەلەفون قوڭىراۋلارىنا ءبىراز ۋاقىتقا دەيىن جاۋاپ بەرمەڭىز. وزىڭىزگە ءوزىڭىز كەلۋدىڭ تاعى ءبىر جولى جەكە قالىپ، ءان تىڭداپ، نە سەرۋەندەۋ.

aitaber.kz