قازاقستاندىق پالۋاندار ەۋروپا كۋبوگىندا 6 مەدال يەلەندى
16:36, 28 - شىلدە 2015
استانا. قازاقپارات - 25-26 -شىلدە ارالىعىندا پراگادا جاستار اراسىندا وتكەن ەۋروپا كۋبوگى مارەسىنە جەتتى.
دزيۋدودان قازاقستان قۇراماسى اتالمىش جارىستا جوعارى كورسەتكىشتەرگە قول جەتكىزدى، دەپ حابارلايدى ق ر دزيۋدو فەدەراتسياسىنان.
اتاپ ايتقاندا، ماعجان شامشادين، جاقسىبەك جەڭىسبەك التىن السا، ديدار ءتاتتىباي مەن جانار قاشقىن كۇمىستى مىسە تۇتتى.
ال قانات سەيىلحان مەن باۋىرجان جاۋىنتايەۆ قولا مەدالعا قول جەتكىزدى.
وسىلايشا، التى مەدال ۇتقان قازاق سپورتشىلارى برازيليا مەن ۋكراينادان كەيىن كوماندالىق ەسەپتە ءۇشىنشى ورىنعا تۇراقتادى.