پاۆلوداردا 6 جاسار بالا اۋىر تەحنيكانىڭ تىزگىنىندە وتىرىپ، ەلدى دۇرلىكتىردى
22:24, 02 - ءساۋىر 2015
استانا. قازاقپارات - پاۆلوداردا 6 جاستاعى بالا اۋىر تەحنيكانىڭ تىزگىنىندە وتىرىپ، ەلدى دۇرلىكتىردى.
بۇل تۋرالى بەينەبايان عالامتوردا جاريالاندى.
پوليتسەيلەر ورىن العان جاعدايعا بايلانىستى دەرەۋ قيمىلداپ، عالامتورعا سالىنعان بەينەباياننىڭ اۆتورىن ىزدەپ تاپتى. ءوز بالاسىن اۋىر تەحنيكانىڭ رولىنە وتىرعىزعان «ەسەرسوق اكە» شارباقتى اۋدانىنىڭ 34 جاستاعى تۇرعىنى بولىپ شىقتى.
قازىرگى ۋاقىتتا ول اكىمشىلىك جاۋاپكەرشىلىككە تارتىلىپ، بەلگىلەنگەن مولشەردە ايىپپۇل تولەدى.
www.24.kz