فرانسياداعى ۇشاق اپاتى: ۇشاقتىڭ ەكىنشى ۇشقىشى 6 جىل بۇرىن ءوزىنىڭ قاتتى كۇيزەلىسكە شالدىققانى تۋرالى ەسكەرتكەن
09:28, 01 - ءساۋىر 2015
استانا. قازاقپارات - فرانسيادا اپاتقا ۇشىراعان А320 ۇشاعىنىڭ ەكىنشى ۇشقىشى اندرەاس ليۋبيتس التى جىل بۇرىن Lufthansa كومپانياسىنا ءوزىنىڭ قاتتى كۇيزەلىسكە شالدىققانى تۋرالى ەسكەرتكەن، دەپ جازادى بي- بي- سي اگەنتتىگى.
بۇل ليۋبيتستىڭ برەمەندەگى Lufthansa ۇشقىشتار مەكتەبىندەگى وقۋىن جانداندىرعان كەزدە جازىسقان حاتتارىنان ءمالىم بولعان.
كومپانيادا ليۋبيتستىڭ بارلىق قاجەتتى مەديسينالىق تەكسەرىستەردەن وتكەنى تۋرالى قۇجاتتاردان راستالدى.
Germanwings اۋە كومپانياسىنىڭ Airbus A320 ۇشاعى 24 - ناۋرىز كۇنى الپىدە اپاتقا ۇشىراعان، ونىڭ بورتىندا بولعان بارلىق 150 جولاۋشى قازا تاپتى. تەرگەۋ نۇسقاسى بويىنشا، ۇشاقتى ەكىنشى ۇشقىش ا. ليۋبيتس قاساقانا اپاتقا ۇشىراتقان.