يندۋستريالاندىرۋ كارتاسى اياسىندا استانادا 6 جاڭا وندىرىستىك كاسىپورىن اشىلادى
12:04, 05 - اقپان 2015
استانا. قازاقپارات - يندۋستريالاندىرۋ كارتاسى اياسىندا استانادا 2015-جىلى 6 جاڭا وندىرىستىك كاسىپورىن اشىلادى. بۇل تۋرالى بۇگىن استانا قالالىق اكىمدىگى مەن ۇلتتىق كومپانيالار اراسىنداعى ءوزارا ارىپتەستىك تۋرالى مەموراندۋمدارعا قول قويۋ بارىسىندا قالا باسشىسى ادىلبەك جاقسىبەكوۆ ايتتى.
«2014-جىلى قالادا 19 مىڭ جۇمىس ورنى اشىلعان بولاتىن. ولاردىڭ 13 مىڭ شاعىن جانە ورتا بيزنەسكە تيەسىلى. يندۋستريالاندىرۋ كارتاسى اياسىندا استانادا بارلىعى 167,8 ميلليارد تەڭگەگە 22 جوبا ىسكە اسىرىلسا، 2015-جىلى 6 جاڭا وندىرىستىك كاسىپورىن اشىلماق. سونىڭ ناتيجەسىندە ەلوردامىزدا جاڭادان 2 مىڭ جۇمىس ورنى قۇرىلادى»، - دەپ اتاپ ءوتتى قالا اكىمى.
ءا. جاقسىبەكوۆتىڭ ايتۋىنشا، «بيزنەستىڭ جول كارتاسى-2020» مەملەكەتتىك باعدارلاماسى اياسىندا ەلوردادا 8 مىڭ جۇمىس ورنىن ساقتاپ، وعان قوسا 4 مىڭ جاڭا جۇمىس ورنىن اشۋعا مۇمكىندىك تۋعان.
اۆتور: ءابۋ-اسقار مەكەش ۇلى