استانادا كولىك سانى 6 پايىزعا ۇلعايدى
07:59, 06 - قاڭتار 2015
استانا. قازاقپارات - كۇن سايىن استانادا 60 مىڭ بىرلىكتى قۇرايتىن كولىك اعىنى قاتىنايدى. استانا قالاسى ىشكى ىستەر دەپارتامەنتىنىڭ حابارلاۋىنشا، 2014-جىلدىڭ باسىنان باستاپ تىركەلگەن كولىكتەر سانى 290552 بىرلىكتى، 2013-جىلى - 271165 بىرلىكتى قۇرادى، بۇل 19387 بىرلىككە ارتىق نەمەسە %6 ۇلعايعان، دەپ حابارلادى astana.gov.kz.
جول پاترۋلدىك پوليتسيا قىزمەتكەرلەرى جول قوزعالىسىن باقىلاۋ بارىسىندا جول قوزعالىسىنا قاتىسۋشىلاردىڭ ءتارتىبىن ارتتىرۋ جانە اپاتتىلىقتىڭ الدىن الۋ ماقساتىندا جول-كولىك اپاتتارىنىڭ تۋىنداۋىنا اكەلەتىن ج ق ە اپاتتى-قاۋىپتى بۇزۋشىلىقتاردى، سونىڭ ىشىندە، جىلدامدىقتى ارتتىرۋ، قاۋىپسىزدىك بەلدىكتەرىن تاقپاۋ، قارسى بەتكە شىعۋ، كولىكتى ماس كۇيدە باسقارۋ جاعدايلارىن انىقتاۋعا باسا نازار اۋدارادى.
مەرەكە كۇندەرى قالالىق ءى ءى د جول- پاترۋلدىك پوليتسيا قىزمەتكەرلەرى جول قوزعالىسى قاۋىپسىزدىگى سالاسىندا 900 جۋىق اكىمشىلىك قۇقىق بۇزۋشىلىقتى انىقتادى.