مۇنايدىڭ ءبىر باررەلگە شاققانداعى قۇنى 69 دوللاردان تومەن ءتۇستى
مۇناي باررەلىنىڭ باعاسى 68 دوللار 28 سەنتكە قۇلاعان سوڭ تۇزەتۋلەر جۇرگىزىلىپ، ناتيجەسىندە Brent مۇنايىنىڭ قۇنى 60 سەنتكە كوتەرىلدى. ءارى قاراي كورسەتكىش 68 دوللار 70 سەنت ماڭايىندا تۇراقتادى. بۇل 2010 - جىلدىڭ مامىرىنان بەرگى ەڭ تومەنگى كورسەتكىش بولىپ ەسەپتەلەدى.
وسىنداي جاعداي نيۋ- يوركتە دە بايقالۋدا. وندا تەحاستىق Light Sweet- ءتىڭ ءبىر باررەلگە شاققانداعى قۇنى 65 دوللاردان كەمىدى.
Bloomberg-گە بەرگەن سۇحباتىندا سيدنەيلىك كونسالتينگتىك CMC Markets فيرماسىنىڭ ساراپشىسى مايكل ماككارتي بولجاعانداي، و پ ە ك- ءتىڭ مۇناي ءوندىرۋدىڭ بۇگىنگى قارقىنىن ساقتاپ قالۋ شەشىمى نارىققا اسەر ەتۋدە. ونىڭ پىكىرىنشە، نارىققا تۇسەتىن قىسىم الداعى كۇندەرى جالعاساتىن بولادى.
وتكەن بەيسەنبى كۇنى ۆەنادا و پ ە ك ءسامميتى ءوتتى. وندا كارتەل ەلدەرى مۇنايدى ءوندىرۋدىڭ بۇرىنعى - تاۋلىگىنە شامامەن 30 ميلليون باررەل دەڭگەيىن ساقتاپ قالۋعا كەلىستى. بۇل شەشىمنەن كەيىن Brent مۇنايىنىڭ باعاسى ءبىر باررەل ءۇشىن $72 تومەندەدى. جۇما كۇنى «قارا التىن» ارزانداي ءتۇستى: لوندوندىق ICE بيرجاسىندا 2015 - جىلى جەتكىزىلەتىن Brent ماركىلى مۇناي ءبىر باررەلى $70- دان تومەندەپ، باررەلىنىڭ قۇنى $69,81 بولدى.