ديماش قۇدايبەرگەنىڭ العاشقى جەكە كونسەرتىنە الەمنىڭ 68 ەلىنەن جانكۇيەرلەر كەلدى
ديماش الماتىدا العاش رەت جەكە كونسەرتىن بەرەدى. قازاقستانعا الەمنىڭ 68 ەلىنەن ديماش قۇدايبەرگەننىڭ ەرەكشە داۋىسىن تىرىدەي ەستۋ ءۇشىن جانكۇيەرلەرى ارنايى كەلدى.
كونسەرتتى ۇيىمداستىرۋعا 200 دەن استام مامان جۇمىلدىرىلعان. كونسەرتكە 400 ۆولونتەر قولداۋ مەن كومەك كورسەتەدى. كورەرمەندەردى ۋلترازاماناۋي شوۋ كۇتۋدە.
كونسەرتتە ديماش قۇدايبەرگەن 31 ءان ورىندايدى. شوۋ بارىسىندا ءارتىستى ءوزىنىڭ بەند-توبى سۇيەمەلدەيدى. وندا بارشانىڭ ءسۇيىپ تىڭدايتىن كومپوزيتسيالارىمەن قاتار، جاڭا تۋىندىلار دا شىرقالادى.
وسى كونسەرتتە ديماش العاش رەت ءىنىسى ءابىلمانسۇر قۇدايبەرگەننىڭ سوزىنە جازىلعان ءاندى ورىندايدى. بۇل ايگىلى فرانسۋز مۋزىكانتى FKJ شىعارماشىلىعىنان شابىتتانعان ءستيلدى جاستار ءانى. ماەسترو رەنات گايسين جازعان اۆتورلىق اسپاپتىق شىعارمانى ءابىلمانسۇردىڭ ءوزى دە ورىندايدى.
كەشتە قازاقستاننىڭ مەكسيكاداعى ەلشىلىگىنىڭ كومەگىمەن جازىلعان ديماشتىڭ يسپان تىلىندە جاقىندا جاريالانعان شىعارماسى ورىندالادى. سونداي-اق «ءبىر اسپاننىڭ حيكاياسى» اتتى اۆتورلىق كومپوزيتسياسى ورىندالادى.
كونسەرتكە حالىقارالىق بيشىلەر ۇجىمى، قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى مەن «سالتانات» مەملەكەتتىك ءبي ءانسامبلى قاتىسادى.