تۇرىك اسكەرى 68 لاڭكەستىڭ كوزىن جويدى
13:48, 21 - جەلتوقسان 2015
استانا. قازاقپارات- تۇرىك اسكەرى لاڭكەستەرگە قارسى وپەراتسيا كەزىندە كۇردىستان جۇمىسشىلار پارتياسىنىڭ 68 جاۋىنگەرىن مەرت قىلدى.
وقيعا ەلدىڭ وڭتۇستىك- شىعىسىنداعى شىرناق پروۆينتسياسىنىڭ دجيزرە جانە سيلوپي قالاسىندا بولعان. لاڭكەستىككە قارسى بۇل وپەراتسيانىڭ باستالعانىنا 4 تاۋلىك ءوتتى.
قاقتىعىس كەزىندە 2 تۇرىك اسكەرى قازا تاپتى. مۇندا بارلىعى 10 مىڭ سارباز بەن پوليتسيا تارتىلعان. ولار قالانى كۇردىستان جۇمىسشىلار پارتياسىنىڭ مۇشەلەرىنەن تازارتىپ، كىرەبەرىس جولدارعا قويىلعان كەدەرگىلەردى الۋدا. قاقتىعىس ايماقتارىندا كومەندانتتىق ساعات جاريالاندى.
www.24.kz