ۇلتتىق قوردان «نۇرلى جول» باعدارلاماسىن جۇزەگە اسىرۋ ءۇشىن بولىنگەن قاراجاتتىڭ 68 پايىزى يگەرىلدى - ە. دوسايەۆ

 استانا. قازاقپارات 2015 - جىلى «نۇرلى جول» مەملەكەتتىك باعدارلاماسىن ىسكە اسىرۋ ءۇشىن قايتا ءبولۋدى ەسەپكە الا وتىرىپ، ۇلتتىق قوردان 770 ميلليارد تەڭگە قاراستىرىلعان.

سونىڭ ىشىندە اعىمداعى جىلدىڭ 1 - قاراشاسى جاعدايى بويىنشا 523,7 ميلليارد تەڭگە نەمەسە جىلدىق جوسپاردان 68 پايىزى يگەرىلدى. بۇگىن پرەمەر- مينيستر كارىم ءماسىموۆتىڭ جەتەكشىلىگىمەن ءوتىپ جاتقان ۇكىمەت وتىرىسىندا ۇلتتىق ەكونوميكا ءمينيسترى ەربولات دوسايەۆ وسىلاي مالىمدەدى.

 ءمينيستردىڭ ايتۋىنشا، بيۋدجەتتىك ينۆەستيتسيالىق جوبالارعا جانە «سامۇرىق قازىنا» ا ق- ءنىڭ كاپيتالداندىرۋىنا باعىتتالعان 492 ميلليارد تەڭگە كولەمىندەگى رەسپۋبليكالىق بيۋدجەتتىڭ نىسانالى ترانسفەرتتەرىنەن 348,9 ميلليارد تەڭگە نەمەسە 71 پايىزى يگەرىلگەن. ال 277 ميلليارد تەڭگە كولەمىندەگى «بايتەرەك» ۇ ب ح» ا ق- ءنىڭ وبليگاتسيالىق قارىزدارىنان 174,8 ميلليارد تەنگە (63 پايىزى) يگەرىلگەن.

«باعدارلامانىڭ «كولىكتىك- لوگيستيكالىق ينفراقۇرىلىمدى دامىتۋ» باعىتى بويىنشا 15 جوبا جۇزەگە اسۋدا، ونىڭ اۆتوكولىك جولدارى سالاسىندا - 11 جوبا، تەمىر جول سالاسىندا - 2، سۋ جانە اۋە جولدارى كولىگىندە - 2 جوبا جۇزەگە اسۋدا. شۇعىلا ءپرينتسيپى بويىنشا «نۇرلى جول- وڭتۇستىك»، «نۇرلى جول- شىعىس»، «نۇرلى جول- باتىس» جانە رەسپۋبليكالىق ماڭىزى بار جولداردىڭ باسقا دا باعىتى بويىنشا 178 ميلليارد تەڭگە بولىنسە، 1 - قاراشادا يگەرىلگەنى 138 ميلليارد تەڭگە (x). 390 شاقىرىم جول جاڭعىرتىلىپ، سالىندى. ينۆەستيتسيالار جانە دامۋ مينيسترلىگى جىل سوڭىنا دەيىن 40 ميلليارد تەڭگەنى يگەرۋى كەرەك»، - دەدى ە. دوسايەۆ.

اۆتور: قانات مامەتقازى ۇلى