استانادا جاڭا جىل ءتۇنى 68 ءسابي دۇنيەگە كەلدى

استانا. قازاقپارات - استانا قالاسى دەنساۋلىق ساقتاۋ باسقارماسىنىڭ حابارلاۋىنشا، 31 - جەلتوقساننان 1 - قاڭتارعا قاراعان ءتۇنى ەلوردادا 68 نارەستە جارىق دۇنيە ەسىگىن اشتى، سونىڭ ىشىندە 41 ى - ەر بالا، 27 سى - قىز بالا.

جالپى، ەلوردادا دەموگرافيالىق كورسەتكىشتەردىڭ جاقسارۋى بايقالادى. استانا قالاسىنىڭ حالقىنىڭ سانى 2014 - جىلعى 1 - قاراشاداعى جاعدايى بويىنشا 847730 ادامدى قۇرادى، سونىڭ ىشىندە الماتى اۋدانىندا - 378624، ەسىل اۋدانىندا - 124970، سارى ارقا اۋدانىندا - 344136 ادام تۇراتىن بولىپ شىقتى.

قالالىق ستاتيستيكا دەپارتامەنتىنىڭ حابارلاۋىنشا، 2014 - جىلعى قاڭتار- قازان ايلارىندا قالادا 20287 بالا تۋىلعان، بۇل 2013 - جىلدىڭ سايكەس مەرزىمىمەن سالىستىرعاندا ,6- عا ارتىق. بۇل رەتتە حالىقتىڭ تابيعي ءوسىمى 2013 - جىلدىڭ قاڭتار- قازان ايلارىمەن سالىستىرعاندا ,3  عا ۇلعايىپ، 17325 ادامدى قۇرادى.