وپەراتسيا جول- كولىك وقيعالارىن ازايتۋعا، جول قوزعالىسى ەرەجەلەرىن بۇزۋ فاكتىسىن انىقتاپ، بولدىرماۋعا باعىتتالعان.
«قاۋىپسىز جول» جەدەل- پروفيلاكتيكالىق شاراسى بارىسىندا جول- كولىك وقيعاسىن بولدىرماۋعا قاتىستى ءتۇسىندىرۋ جۇمىستارى ءجۇرىپ جاتىر. ءىس- شاراعا ءتارتىپ ساقشىلارىمەن بىرگە كولىكتى باقىلاۋ ينسپەكتسياسى، اكىمدىك، «قازاۆتوجول» ۇ ك ا ق، «كازاحاۆتودور» ج ش س قىزمەتكەرلەرى قاتىسۋدا.
ەلوردا جولدارىن، اسىرەسە تۇنگى ۋاقىتتا باقىلايتىن پاترۋلدىك پوليتسيا جاساعىنىڭ سانى كوبەيدى. قازىرگى ۋاقىتتا اۆتوكولىكتى ماس كۇيدە ايداۋ، كولىكتى باسىپ وزۋ، مانيەۆر جاساۋ، قيىلىستار مەن جاياۋ جۇرگىنشىلەر جولىنان توقتاماي ءوتىپ كەتۋ، قاۋىپسىزدىك بەلدىگىن تاقپاۋ، ۇيالى تەلەفونمەن سويلەسۋ سىندى ءتارتىپ بۇزۋ وقيعالارى تىركەلىپ جاتىر. 2020 -جىلدىڭ 10 ايىندا جول قوزعالىسىن باقىلاۋ كەزىندە 87 مىڭ اكىمشىلىك قۇقىق بۇزۋشىلىق تىركەلدى.
كولىكتى ماس كۇيدە جۇرگىزگەن 683 ادام ۇستالدى، ونىڭ 619 ىنا اكىمشىلىك تىيىم سالىندى. اكىمشىلىك سوتتىڭ شەشىمىمەن جول ەرەجەسىن بۇزعان 704 ادام جۇرگىزۋشى كۋالىگىنەن ايىرىلدى. باعدارشامنىڭ تىيىم سالىنعان تۇسىنە ءوتىپ كەتكەن 945 كولىك جۇرگىزۋشى تىركەلدى. سونداي-اق 8 مىڭ جاياۋ جۇرگىنشىگە جول ەرەجەسىن بۇزعانى ءۇشىن جاۋاپكەرشىلىك جۇكتەلدى.