تۇركيادا ءار تۋريست شامامەن 680 دوللار جۇمسايدى
09:41, 26 - اقپان 2018
استانا. قازاقپارات - 2017 -جىلى تۇركيانىڭ تۋريزمنەن تۇسەتىن كىرىستەرىنىڭ 22,5 پروتسەنتى وسى ەلدىڭ شەت مەملەكەتتەردە تۇراتىن ازاماتتارىنىڭ ەسەبىنەن تۇسكەن، دەپ جازادى «انادولۋ» تۇركيانىڭ جەرورتا تەڭىزى ءوڭىرىنىڭ وتەلەرلەر قاۋىمداستىعىنا سىلتەمەمەن.
وتكەن جىلى تۇركياعا 38,62 ميلليون ادام بارعان. ونىڭ 32,79 ميلليونى - شەتەلدىكتەر. 6,55 ميلليون - باسقا مەملەكەتتەردە تۇراتىن تۇرىكتەر.
2017 -جىلى بۇل ەلدىڭ تۋريزمنەن تۇسكەن تابىسى 26,28 ميلليارد دوللاردان اسىپ تۇسكەن.
ءار تۋريست ورتا ەسەپپەن تۇركيادا 681 دوللار جۇمسايدى ەكەن.