بۇل جونىندە قىزىلوردا وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى حابارلادى.
ناۋقاستاردىڭ 11 ءى شيەلى اۋدانىندا تىركەلگەن. ال 1 جاعداي ارال اۋدانىندا انىقتالدى. بارلىعى دا كوروناۆيرۋستىق ينفەكتسيا جۇقتىرعان اداممەن قارىم-قاتىناستا بولعان. سوعان بايلانىستى كارانتيندىك ستاتسيونارعا جاتقىزىلىپ، زەرتحانالىق سىنامالار الىنعان.
زەرتتەۋ قورىتىندىسىمەن ولاردان COVID-19 دياگنوزى ناقتىلاندى.
«قازىرگى تاڭدا ناۋقاستاردىڭ جاعدايلارى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ جۇمىستارى، دەزينفەكتسيالىق جۇمىستار جۇرگىزىلۋدە. 2020-جىلدىڭ 7- ساۋىرىندەگى جاعداي بويىنشا ايماقتا كوروناۆيرۋس ينفەكتسياسىنا شالدىققان 66 ادام انىقتالدى. قىزىلوردا قالاسىندا - 9 جاعداي تىركەلسە، جاڭاقورعان اۋدانىندا - 16، قارماقشىدا - 4، شيەلىدە - 35 جاعداي، سىرداريا اۋدانىندا-1، ارال اۋدانىندا - 1 جاعداي ەسەپكە الىنعان»، - دەپ ءمالىم ەتتى قىزىلوردا وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى.