وعان اۋىل شارۋاشىلىعى سالاسىنىڭ 100 گە جۋىق ماماندارى عالىمدار مەن شارۋا قوجالىق باسشىلارى قاتىستى. تاجىريبە بارىسىندا عىلىمي- زەرتتەۋ ينستيتۋتىنىڭ عالىمدارى بۋدانداستىرىپ شىعارعان بيدايدىڭ 26 ءتۇرى تانىستىرىلدى. ولاردىڭ بارلىعى قۋاڭشىلىق پەن قۇرعاقشىلىققا ءتوزىمدى.
احمەتقالي مۇزافار ۇلى، شارۋا قوجالىعىنىڭ باسشىسى:
- اۋىلشارۋىشىلىعىن دامىتساق دەيمىز. ونىڭ ىشىندە مىناۋ استىق ءونىمىن ارپا، بيداي قوسىمشا بۇرشاق، سافلور ەكسەك دەگەن ويىمىز بار.
ءداستۇرلى ارپا مەن بيدايدان بولەك شارۋالار بۇرشاق تۇقىمداس جانە مايلى داقىلداردى ءوسىرۋدى قولعا العان. ءاربىر داقىلدى ەگۋدىڭ وزىندىك سەلەكسيالىق، بيولوگيالىق جولى بار. بۇل ەگىن القابىندا ءداندى- بۇرشاق داقىلىنىڭ 15 ءتۇرى وسىرىلەدى. عىلىمي- زەرتتەۋ جۇمىستارى جاسالىپ، داقىلداردىڭ جاڭا تۇرلەرى شىعارىلادى. مىسالى مىنا ماقسارىنىڭ سارى گۇلدەرى ءدارى- دارمەك ىسىندە جانە پارفيۋمەريادا كەڭىنەن قولدانىلادى. تاجىريبە القابىندا قاراقۇمىق، تارى، نوقات، بۇرشاق، مايبۇرشاق، جاسىمىق جانە تاعى دا باسقا داقىلدار وسىرىلەدى. جالپى مايلى داقىلدار بويىنشا وتاندىق ءونىم تۇرلەرى سوڭعى 10 جىلدا 15 پايىزعا ارتقان.
سەرىك كەنەنبايەۆ، قازاق ەگىنشىلىك جانە وسىمدىك شارۋاشىلىعى عىلىمي- زەرتتەۋ ينستيتۋتىنىڭ ديرەكتورى:
- قۇت بولماسا نوقات ءبىر جاعىنان تەك قانا ءونىم بەرىپ قانا قويمادى. ول بۇرشاق تۇقىمداس بولعاندىقتان جەردە توپىراقتىڭ قۇنارلىعىن، ازوتتى ءوزىنىڭ تامىرىندا قالدىرىپ، توپىراق قۇنارلىعىن ارتتىرادى. بىلايشا ايتقان كەزدە مىنا اۋىسپالى ەگىستىككە كەرەك.
عالىمدار شارۋالارعا شەتەلدىك داقىلداردى الماي، وتاندىق ونىمگە جۇگىنۋدىڭ ارتىقشىلىعىن ءتۇسىندىردى. ويتكەنى، ولار جەرگىلىكتى تابيعاتقا بەيىمدەلگەن، ىستىق پەن سۋىققا ءتوزىمدى كەلەدى جانە ءونىمدى دە مول بەرەدى. بۇرشاق تەكتەس جانە مايلى داقىل تاماق ونەركاسىبىندە سۇرانىسقا يە، سوندىقتان ودان كوپ پايدا تابۋعا بولادى. ءبىراق، تابيعاتقا زيان كەلمەۋىن قاپەردەن شىعارماۋ كەرەك. داقىل ەگۋدە دە اقىل، عىلىمي كەڭەس كەرەك، دەيدى عالىمدار.
www.24.kz