پاريجدە 65 ميلليون ەۋروعا پاتەر العان قازاقستاندىق ىزدەستىرىلۋدە
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆ ءمالىم ەتتى، دەپ حابارلايدى قازاقپارات.
«ءبىز فرانسياداعى ارىپتەستەرىمىزگە ساۋال جولدادىق. ساۋالدا پاتەردى قاي ەلدىڭ ازاماتى قانشا اقشاعا ساتىپ العانىن سۇرادىق. بىزگە بەرىلەتىن دەرەكتەر نەگىزىندە ونى (جاۋاپكەرشىلىككە - رەد.) تارتۋ بويىنشا جۇمىستاردى جالعاستىرامىز. بالكىم ءوز دەكلاراتسياسىن كورسەتكەن دە شىعار. مىڭداعان قازاقستاندىقتىڭ شەتەلدە وتە ۇلكەن سومادا قاراجاتى بار، ءبىراق ولار بۇل سومانى رەسمي جاريالاعان»، - دەدى تەڭگەبايەۆ.
كوميتەت ءتوراعاسىنىڭ ايتۋىنشا، حالىقارالىق ساۋال ەلشىلىك پەن سىرتقى ىستەر مينيسترلىكتەرى ارقىلى جولدانادى جانە ءبىرشاما ۋاقىتتى تالاپ ەتەدى. تەڭگەبايەۆ مالىمەتتى العان ساتتە جۋرناليستەرگە حابارلاۋعا ۋادە بەردى.
بۇعان دەيىن قازاقستاندىق ب ا ق قازاقستان ازاماتىنىڭ پاريجدە اۋماعى 1200 شارشى مەتر بولاتىن پاتەردى 65 ميلليون ەۋروعا ساتىپ العانىن حابارلاعان ەدى. پاتەر يەسىنىڭ اتى-ءجونى ءالى كۇنگە دەيىن بەلگىسىز.