سوڭعى 65 جىلدا العاش رەت تۇركيا باسشىسى گرەكياعا رەسمي ساپارمەن كەلدى

استانا. قازاقپارات - رەجەپ تايىپ ەردوعان گرەكيا پرەزيدەنتى جانە پرەمەر- مينيسترىمەن كەزدەسەدى. سونىمەن قاتار گرەكيانىڭ سولتۇستىگىندەگى مۇسىلمان جاماعاتىمەن جۇزدەسۋ جوسپارى بار.

 ەكىجاقتى باسقوسۋدا قوس تاراپتىڭ ساۋدا، ەنەرگەتيكا، تۋريزم سالاسىن جەتىلدىرۋ جايى ءسوز بولماق. وعان قوسا گرەكيانىڭ ەۋرووداقپەن قارىم- قاتىناسى جانە ەۋرو وداق پەن تۇركيانىڭ بوسقىندار ماسەلەسىنە قاتىستى كەلىسىمىنىڭ جۇزەگە اسىرىلۋى تالقىلانادى.

 ساراپشىلار: «وسى ساپار بارىسىندا تۇركيادا بىلتىر توڭكەرىس جاساۋ ارەكەتى كەزىندە ەلدەن قاشىپ، افيناعا تىعىلعان 8 وفيتسەردىڭ تاعدىرى شەشىلۋى ىقتيمال»، -  دەيدى.

ەردوعاننىڭ گرەكياعا جاساعان تاريحي ساپارى رەسمي انكارانىڭ ەۋرووداقپەن اراداعى بايلانىسىن بەكەمداي ءتۇسۋى بەك مۇمكىن.

www.24.kz