بۇل تۋرالى ول "جۇلدىزدار وتباسى" جۋرنالىنا بەرگەن سۇحباتىندا ايتقان.
«ادامنان جاسىرعانىڭمەن، اللادان جاسىرا المايسىڭ. بۇل قۇپيا دۇنيە ەمەس، تىپتەن توي جاساۋ كەرەك. مۇندايدا ءبىزدىڭ قاريالار «قۇدايدىڭ بەرگەنى» دەپ بوركىن اسپانعا لاقتىراتىن» ، - دەدى ول.
ءسويتىپ، كوپەن امىربەك 65 جاسقا كەلگەندە ۇلدى بولدى. قۋانىش دەگەن ۇلى، ساعىنىش اتتى قىزى بار. بالالارىنىڭ شەشەسى بولەك بولعانىمەن، اكەسى ءبىر.
«ەكى باۋىردىڭ اراسى ءبىر بولسىن، ۇيقاسىپ تۇرسىن دەپ ءسابيدىڭ ەسىمىن جۇبانىش قويدىم. كەلىنشەگىمنىڭ ۇلدى بولاتىنىن تۇسىمدە كورگەنمىن. «سارى بالا تۋاسىڭ» دەپ ايتقانمىن، سولاي بولدى» ، - دەگەن سىقاقشى ءوزىنىڭ ءسۇت كەنجەسىنە دەگەن سەزىمى ەرەكشە ەكەنىن ايتتى.
تانىمال سىقاقشى «نەمەرە ءتاتتى بولادى» دەگەن ءسوزدى جاستايىنان ەستىپ وسكەنىن ايتادى. قۇدايدىڭ بەرگەن ۇلى مەن قىزىن جاس كەزىنەن ماپەلەپ وسىرگەن. ول ۋاقىت وزىنشە ءبىر ءتاتتى بولدى.
«ءبىراق ولاردى قالاي يىسكەگەنىم، قالاي جاقسى كورگەنىم ەسىمدە جوق. ەندى نەمەرە سۇيگەن جاسىڭدا، ونىمەن قوسا ءوزىڭ ۇلدى بولىپ جاتقان كەزىڭدە مىنا قۇلىنشاعىڭ نەمەرەدەن دە ءتاتتى بولادى ەكەن.
بۇل ۇلعا دەگەن ساعىنىش تىپتەن بولەك. جانىنان اينىپ ءبىر ەلى شىققىم كەلمەيدى. تۇقىم قۋالاپ، قۇداي عۇمىر بەرسە، مەن ءالى جيىرما جىل ءومىر سۇرەتىن سياقتىمىن. ۇلتىمنىڭ جانە ۇلىمنىڭ بولاشاعىن قاتار كورگىم كەلەدى» ، - دەدى ول.