«2022 -جىلدىڭ -1 قاڭتارىنان باستاپ سيفرلىق ماينينگ ءۇشىن تولەماقى ەنگىزىلدى. سيفرلىق ماينينگتى سالاسىندا قىزمەتىن جۇزەگە اسىراتىن تۇلعالار تولەماقى تولەۋشىلەر بولىپ تابىلادى جانە قىزمەتتى جۇزەگە اسىرۋ كەزىندە تۇتىنىلعان ەلەكتر ەنەرگياسىنىڭ ناقتى كولەمى ءۇشىن تولەماقى الىنادى. سيفرلىق ماينينگ ءۇشىن تولەماقى ەلىمىزدىڭ 12 اۋماعىنىڭ تولەۋشىلەرىنەن تۇسكەن. ەڭ كوپ تولەم نۇر- سۇلتان قالاسىنان تۇسكەن جانە بيۋدجەتكە 277,3 ميلليون تەڭگە تولەنگەن. ودان كەيىنگى ورىنداردا ب ق و، اقتوبە وبلىستارى تۇر.
اتالعان وبلىستار تيىسىنشە 143,1 ميلليون جانە 48,9 ميلليون تەڭگەدەن قاراجات تولەگەن. كوميتتىڭ حابارلاۋىنشا، اتالعان تولەماقى رەسپۋبليكالىق بيۋدجەتكە تۇسەدى. ايتا كەتەرلىگى، سالىق كودەكسىندە سيفرلىق ماينينگ ءۇشىن تولەماقى بويىنشا سالىق ەسەپتىلىگىن تاپسىرۋ كوزدەلمەگەن. تولەماقى سوماسى ەلەكتر ەنەرگياسىنىڭ 1 كيلوۆاتت- ساعاتى ءۇشىن 1 تەڭگە مولشەرىندە ەسەپتەلەدى. «قازىرگى ۋاقىتتا ق ر پارلامەنتىندە سيفرلىق ماينينگ ءۇشىن تولەماقى ستاۆكاسىن ۇلعايتۋدى كوزدەيتىن زاڭ جوباسى قاراستىرىلۋدى»، - دەپ تولىقتىردا كوميتەت.