«ەڭ الدىمەن قولداعى دەرەكتەرگە سايكەس، وتكەن جىلدىڭ قورىتىندىسىندا قازاقستاندا كەمىندە ءۇش جىل بويى ەكسپورتتاۋمەن اينالىسىپ كەلە جاتقان 650 بەلسەندى ەكسپورتتاۋشى بار ەكەندىگىن اتاپ وتكەن ءجون. ولاردىڭ شامامەن 80 پايىزى - بۇل شاعىن جانە ورتا بيزنەس وكىلدەرى جانە 48 پايىزى ازىق- تۇلىك ونىمدەرىن ەكسپورتتاۋشىلار»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ونىڭ دەرەگىنشە، وتكەن جىلى 463 كاسىپورىن قارجىلىق ەمەس ءىس- شارالاردى پايدالاندى.
«ولار اكسەلەراتسيا، ماركەتپلەيستەرگە شىعارۋ، ساۋدا ميسسياسى جانە ەكسپورتتىق شىعىنداردىڭ ءبىر بولىگىن قايتارۋ سىندى ءىس- شارالار. ەگەر، كەرى بايلانىس جايىندا ايتار بولساق، ءبىز تۇبەگەلى اشىق بولىپ قالدىق. تەك وتكەن جىلى عانا ەكسپورتتاۋشىلاردڭ شامامەن 3,4 مىڭ سۇرانىستارى قارالدى»، - دەدى ۆيتسە- مينيستر.
قايرات تورەبايەۆتىڭ اتاپ وتۋىنشە، ءاربىر سالىنعان بيۋدجەت تەڭگەسىنىڭ قايتارىمى ماركەتپلەيستەردە 213 تەڭگەنى، سەرۆيستىك ءىس- شارالاردا 652 تەڭگەنى، اكسسەلەراتسيا باعدارلاماسى بويىنشا 158 تەڭگەنى قۇرادى.