الماتى دارىگەرلەرى سالماعى 650 گرام بالانى امان الىپ قالدى
الماتى قالاسىنداعى پەريناتولوگيا جانە بالالار كارديوحيرۋرگيا ورتالىعىنىڭ قابىلداۋ بولمەسىنە ۇستىمىزدەگى جىلدىڭ 11- اقپانىندا ءىشتىڭ تومەنگى جاعى مەن بەلىنىڭ اۋىرسىنۋىنا شاعىمدانىپ، جۇكتىلىك مەرزىمىنىڭ 25 اپتاسىنداعى ءبىر ايەل كەلىپ ءتۇستى. ورتالىق دارىگەرلەرى تولعاقتى توقتاتۋعا تىرىستى، الايدا ول ارەكەتتەرىنەن ەشتەڭە شىقپادى. 17- اقپان كۇنى كەشكە پاتسيەنتتە تولعاق قايتا باستالىپ دۇنيەگە سالماعى 650 گرامم، بويى 29 س م ءسابي كەلدى.
جاڭا تۋعان نارەستە جەتىلمەگەن اعزا مۇشەلەرى مەن جۇيەلەرى اياسىندا تىنىس الۋ بۇزىلىستارى ەسەبىنەن وتە اۋىر كۇيدە بولدى. شالا تۋعان بالانىڭ اناسى حاليدا قىزى ءۇشىن قاتتى ۋايىمدادى. ونىڭ ءتىرى قالۋ- قالماۋى ەكى تالاي ەدى. باقىتىنا وراي، ءالسىز قىزى دەم الىپ جىلاي باستادى. «باسىمنان وتكەن قيىن كۇندەردى، دۇشپانىما دا تىلەمەس ەدىم»، - دەيدى حاليدا ياكۋپوۆا.
دارىگەرلەر سابيگە دەرەۋ سۋرفاكتانت ەنگىزىپ، جاساندى جەلدەتۋ اپپاراتىنا قوسۋ ءۇشىن بىردەن جان ساقتاۋ بولىمىنە ورنالاستىردى. وندا شالا تۋعان بالالارعا بارلىق جاعداي جاسالعان. ءالسىز نارەستەلەر مۇندا ءتيىستى سالماق قوسقانعا دەيىن بولادى. ول 17- كۇنى اپپاراتتىڭ كومەگىنسىز تىنىس الا باستادى. حاديدجا ءوز بەتىنشە ەمە الماعاندىقتان ونى اسقازان زونتىنىڭ كومەگىمەن تاماقتاندىرعان. جاڭا تۋعان نارەستە جانساقتاۋ بولىمىندە ءبىر ايدان استام ۋاقىت جاتتى، سودان كەيىن نارەستەلەر پاتولوگيا بولىمىنە اۋىستىردى. باستاپقىدا اناسىمەن بىرگە قارقىندى تەراپيا پالاتاسىنا تۇراقتى تۇردە باقىلاۋدا بولدى.
«قازىرگى ۋاقىتتا جاڭا تۋعان نارەستە ەمشەكتى جاقسى ەمەدى. ايتپاقشى، قازىر ونىڭ سالماعى 1900 گرام بولدى. بالانىڭ جاي- كۇيى وڭ قارقىنمەن اۋىرلىقتىڭ ورتاشا دارەجەسىندە دەپ باعالانۋدا جانە جاقىن ارادا، ەگەر ءبارى جاقسى بولسا، ءبىز بالانى ۇينە شىعارامىز»، - دەدى دارىگەر نايليا حايرۋللينا.
ءوز كەزەگىندە، ءسابيدىڭ اناسى دارىگەر سانيات سۇلتانوۆاعا، گۇلميرا جەلدىبايەۆاعا، مەيىربيكەلەرگە، سانيتارلارعا، پسيحولوگيالىق قولداۋ كورسەتكەندەرى ءۇشىن العىس بىلدىرەدى.
«سول ۋاقىتتا ولار مەنى بالاعا قالاي كۇتىم جاساۋ كەرەكتىگىن ۇيرەتتى. مەن ۇلكەن العىسىمدى بىلدىرگىم كەلەدى، كاسىبي دارىگەرلەر مەن مەيىربيكەلەر ارقاسىندا مەنىڭ قىزىم قازىر مەنىڭ قاسىمدا. كەيدە جىلاپ، جاقسى ناتيجەگە سەنبەگەن كەزدەرىم بولدى، ءبىراق ولار مەنى تىنىشتاندىرىپ، بارلىق جاعدايدا قولداۋ كورسەتتى» - دەدى حاليدا ياكۋپوۆا.
اۆتور: الما مۇقانوۆا