بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن بريفينگتە قاراعاندى وبلىسى اكىمىنىڭ اۋىل شارۋاشىلىق بويىنشا ورىنباسارى شاگۋراشيد مامالينوۆ ءمالىم ەتتى، دەپ حابارلايدى قازاقپارات.
1,4 ميلليارد تەڭگە بولاتىن جوبانى «ەڭبەك» ج ش س ءوز قارجىسىنا سالىپ جاتىر.
«ءسۇت شىعارۋ بويىنشا، وبلىستا 1,4 ميلليارد تەڭگە بولاتىن 650 باس مالعا ارنالعان ءسۇت فەرماسى جىل سوڭىندا سالىنىپ بىتەدى. بۇل - وساكاروۆ اۋدانىنداعى «ەڭبەك» ج ش س جوباسى. ونىڭ ەرەكشەلىگى سول - كومپانيا ەش جەردەن نەسيە العان جوق. ونى ءوز قاراجاتىنا سالىپ جاتىر»، - دەدى مامالينوۆ.
ونىڭ حابارلاۋىنشا، قازىرگى ۋاقىتتا فەرماعا شۆەيساريالىق جابدىقتار ورناتىلىپ جاتىر. كوپ ۇزاماي باۆاريادان سيممەنتال تۇقىمدى سيىرلار اكەلىنەدى.
بۇگىنگى تاڭدا، اكىم ورىنباسارىنىڭ ايتۋىنشا، قاراعاندى وڭىرىندە 552 مىڭ باس ءىرى- قارا مال بار.
«ەت ءوندىرىسى بويىنشا، 2016 -جىلى مال بورداقىلاۋ الاڭى - «سارى- ارقا» اگروونەركاسىپتىك كەشەنى پايدالانۋعا بەرىلدى. سونىمەن قاتار «جاكە» شارۋاشىلىعى جانىنان 5 مىڭ باس مالعا ارنالعان ءبىرىنشى دەڭگەيلى بورداقىلاۋ الاڭى سالىندى. يتاليانىڭ ترانسۇلتتىق كومپانياسىمەن بىرگە 10 مىڭ باس مالعا ارنالعان بورداقىلاۋ الاڭىن سالۋ جوسپاردا بار»، - دەپ ءتۇيدى ءسوزىن اكىم ورىنباسارى.
اۆتور: جاسۇلان جولدىبايەۆ