شىمكەنتتە ەكسكاۆاتور جۇرگىزۋشىسىنىڭ كەسىرىنەن 6500 تۇتىنۋشى گازسىز قالدى
11:01, 01 - قازان 2021
شىمكەنت. قازاقپارات - شىمكەنتتە ەكسكاۆاتور جۇرگىزۋشىسىنىڭ كەسىرىنەن 6500 ابونەنت گازسىز قالدى.
جۇرگىزۋشى كەشە تۇندە ساعات 22:00 شاماسىندا الماتى اينالما جولىندا جەر قازۋ جۇمىستارىن جۇرگىزگەن، دەپ حابارلايدى قازاقپارات ءتىلشىسى.
سالا ماماندارىنىڭ مالىمەتىنشە، وقيعا ورنىنا اۆاريالىق قۇتقارۋ بريگاداسى كەلگەن. تەكسەرۋ جۇرگىزگەن ماماندار ەكسكاۆاتور جۇرگىزۋشىسىنىڭ جەراستى جوعارى قىسىمدى دۋ-315م م پوليەتيلەن گاز قۇبىرىنا زاقىم كەلتىرگەنىن انىقتاعان.
سالدارىنان قازىر سول ماڭداعى 6500 تۇتىنۋشى مەن 35 بىرلىك كوممۋنالدىق- تۇرمىستىق كاسىپورىن، 6 ونەركاسىپتىك كاسىپورىن گازدان اجىراتىلعان. كىنالى جۇرگىزۋشىنى اباي اۋداندىق پ ب قىزمەتكەرلەرى ىزدەستىرۋدە.
اۆتور: اينۇر اقبايەۆا