«قازىرگى ۋاقىتتا COVID-19-عا پ ت ر- سىناق ادىسىمەن 2,5 ميلليوننان استام زەرتحانالىق زەرتتەۋ جاسالدى. ونىڭ ىشىندە ەڭ كوبى الماتىدا، نۇر- سۇلتاندا، اتىراۋ، قاراعاندى، شىعىس قازاقستان وبلىستارىندا جۇرگىزىلدى. ۆيرۋستىڭ جاڭا تولقىنىنا قارسى زەرتحانالاردىڭ قۋاتتىلىعى تاۋلىگىنە 64 مىڭ سىناققا دەيىن ارتتىرىلادى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ ايتۋىنشا، وسى جىلدىڭ سوڭىنا دەيىن ەلىمىزدىڭ 11 وبلىس ورتالىعىندا 2,5 مىڭ توسەك- ورىنعا ارنالعان 12 مودۋلدىك جۇقپالى اۋرۋلار اۋرۋحاناسى سالىنىپ، پايدالانۋعا بەرىلەتىندىگى جوسپارلانعان. بۇعان قوسا وسكەمەن مەن تاراز قالاسىنداعى جەدەل جاردەم قىزمەتتەرىنىڭ بوس تۇرعان عيماراتتارى ستاتسيونارعا بەيىمدەلەدى. وسىلايشا ەلىمىزدىڭ 14 وبلىسىندا اۋرۋحانا جۇمىسىن باستايتىن بولادى.