الماتىدا اباي داڭعىلىن ۇزارتۋ ءۇشىن 63 جەر ۋچاسكەسى ساتىپ الىنادى
ناۋرىزباي اۋدانى تۇرعىندارىنىڭ ءبىرى قالا اكىمىنەن اباي داڭعىلىن ۇزارتۋ ءۇشىن قالعان ساياجايلار قاشان سۇرىلەتىنىن سۇرادى.
ەربولات دوسايەۆ 63 جەر تەلىمىن ساتىپ الۋ قاجەتتىگىن، ونىڭ 53 ءى قازىردىڭ وزىندە مەملەكەت مەنشىگىندە ەكەنىن ايتتى.
قالعان 10 جەر تەلىمىنىڭ ەكەۋى مۇراگەرلىك قۇقىققا بايلانىستى تۇزەتىلىپ جاتسا، ءتورت جوبا سوتقا وتكەن.
ايتۋىنشا، اتالعان ماسەلەلەر مامىر ايىنىڭ سوڭىنا دەيىن شەشىلۋى ءتيىس.
«باعالاۋ ەسكىرگەن، ءبىز ونى جاڭارتۋعا ءماجبۇرمىز، ويتكەنى تولەم جاساۋ كەزىندە جاڭادان باعالاۋ كەرەك. ساتىپ الۋ جونىندە سۇراقتار جينالىپ قالدى. جەر قاتىناستارى باسقارماسىنا مۇنى مامىر ايىنىڭ سوڭىنا دەيىن رەتتەۋدى تاپسىردىم. ءبىز بۇل جۇمىستى بىلتىر جاساۋىمىز كەرەك ەدى، اقشا بولدى. كەلىسىمشارت جاساسىپ، ساتىپ العاننان كەيىن جۇمىسقا كىرىسەمىز» ، - دەپ ءتۇسىندىردى ەربولات دوسايەۆ.
ەسكە سالايىق، وسى جىلدىڭ اقپان ايىندا شاھار باسشىسى اباي داڭعىلىن قالا شەكاراسىنا دەيىن ۇزارتۋ جۇمىستارى 2023 -جىلدىڭ سوڭىنا دەيىن اياقتالاتىنىن ايتقان ەدى.