بۇل جايىندا بۇگىن ق ر پرەزيدەنتى جانىنداعى و ك ق بريفينگىندە ق ر پارلامەنت ءماجىلىسى دەپۋتاتى ورازگۇل اسانعازى مالىمدەدى.
«ەلباسى جۇرگىزىپ وتىرعان ساياساتتىڭ ءبىرى ۇلتارالىق تاتۋلىق ەكەنى بارىمىزگە ءمالىم. ەلىمىزدەگى بارلىق ۇلتتاردىڭ دوستىق پەن تاتۋلىقتا تۇرىپ جاتقانى بارشا الەمگە ايان. بەيبىتشىلىك پەن تۇراقتىلىقتىڭ وسىنشالىقتى تامىر جايۋى مەملەكەت قۇرۋشى حالىق - قازاقتاردىڭ مەيىرباندىعى مەن قوناقجايلىعىنا ۇيرەنگەن باسقا ۇلتتاردىڭ ءوزارا تاتۋلىعىنىڭ ناتيجەسى دەۋ ورىندى. وڭىرىمىزدەگى بارلىق ەتنومادەني بىرلەستىكتەردىڭ كۇن سايىنعى جۇمىسى تاتۋلىقتى، كەلىسىمدى ساقتاۋعا، قازاقستاندىق پاتريوتيزمدى قالىپتاستىرۋعا باعىتتالعان.
وسىعان وراي، ءبىلىم مەن عىلىمنىڭ، ەكونوميكانىڭ، بيزنەستىڭ، ساياساتتىڭ، جالپى باسەكەلەستىكتىڭ قارىشتاپ دامىپ وتىرعان بۇگىنگىدەي جاھاندانۋ كەزىندە ەلباسى كورەگەندىك تانىتىپ، الدىمىزعا ءۇش ءتىلدى ءبىلۋ قاجەتتىگىن قويعان ەدى. الايدا، قازاق بولىپ تۋعان ءار ازامات ءوز ءتىلىنىڭ مەملەكەتتىك ءتىل ەكەندىگىنە ماقتانىپ، سول تىلدە سويلەۋ كەرەك دەپ ويلايمىن. قازىرگى كەزدە ستاتيستيكاعا جۇگىنسەك، قازاق ءتىلى الەمدىك تىلدەر قاتارىندا قولدانۋ اياسى جاعىنان 63 - ورىندا تۇر. مەملەكەتتىك ءتىلىمىز اراب، اعىلشىن تىلدەردەن كەيىنگى ءۇشىنشى باي ءتىل قاتارىندا» دەدى و. اسانعازى قىزى.
Baq.kz