شىمكەنتتىك 63 جاستاعى زەينەتكەرگە 63 رەت الاياقتىق جاسادى دەگەن ايىپ تاعىلدى

شىمكەنت. قازاقپارات - 63 جاستاعى شىمكەنتتىك زەينەتكەرگە 63 رەت الاياقتىق جاسادى دەگەن ايىپ تاعىلدى، دەپ حابارلايدى قازاقپارات ءتىلشىسى.

شىمكەنتتە «مەملەكەتتىك باعدارلاما بويىنشا از ۋاقىتتىڭ ىشىندە، كەزەكسىز پاتەر الىپ بەرەمىن» دەپ حالىقتى الداپ كەلگەن كۇدىكتى 63 جاستاعى زەينەتكەر بولىپ شىقتى. تەرگەۋ بارىسىندا قولعا تۇسكەن كۇدىكتىنىڭ وسى تەكتەس 63 جايتقا قاتىسى بار ەكەندىگى انىقتالعان. سونداي-اق، ول بۇرىن الاياقتىق جاساعانى ءۇشىن جاۋاپكەرشىلىككە تارتىلىپ، سوتتى بولعان.

«ءال-فارابي اۋداندىق پوليتسيا باسقارماسىنا ارىزدانعان جەرگىلىكتى تۇرعىن الاياقتىقتىڭ قۇربانى بولعانىن جەتكىزدى. تانىسى «شىمكەنت قالاسىنان كەزەكسىز پاتەر الىپ بەرەمىن» دەپ، 2000000 تەڭگەسىن الاياقتىق جولمەن يەمدەنىپ العانىن ايتتى. اتالعان دەرەك ق ر ق ك- ءنىڭ 190-بابى 3-بولىگىمەن سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.