رەسەي «تايسويعان» پوليگونىنداعى 624 مىڭ گەكتار جەردى قايتارۋدا
11:47, 07 - ماۋسىم 2017
اتىراۋ. قازاقپارات - رەسەي فەدەراتسياسى قازاقستانعا اتىراۋ وبلىسى «تايسويعان» اسكەري پوليگونىنداعى 624 مىڭ گەكتار جەردى قايتارۋدا، دەپ حابارلايدى «قازاقپارات» ح ا ا ءتىلشىسى.
«رەسەيلىك اسكەريلەرگە اتىراۋ وبلىسى قىزىلقوعا اۋدانىنداعى پوليگون اۋماعىندا 749,6 مىڭ گەكتار جەر جالعا بەرىلگەن ەدى. قازىرگى تاڭدا ەكى ەل اراسىندا جاسالعان كەلىسىم بويىنشا 624 مىڭ گەكتار جەردى قايتارۋ پروتسەسى جۇرگىزىلىپ جاتىر»، - دەپ حابارلادى وبلىستىق جەر قاتىناستارى باسقارماسىنىڭ باسشىسى ارمان باجەنوۆ وڭىرلىك كوممۋنيكاتسيالار قىزمەتىنىڭ بريفينگىندە.
رەسەيلىك اسكەريلەر بۇرىن پوليگون اۋماعى بولعان «تايسويعاندى» جالعا السا دا، ونى پايدالانعان جوق. سوندىقتان، بۇل جەرلەردى شارۋالارعا بەرۋگە ەشقانداي كەدەرگى جوق.
اۆتور: اقبوپە ءابدراسۋل