ەكولوگيا، گەولوگيا جانە تابيعي رەسۋرستار مينيسترلىگىنىڭ مالىمەتىنشە، ىلە- بالقاش رەزەرۆاتىنا بۇقار بۇعىسى ءۇشىنشى رەت جىبەرىلگەلى وتىر. بۇل جولعى بۇعى سانى بارىنەن كوپ.
ەستەرىڭىزگە سالا كەتەيىك، العاشقى ەنگىزىلىم 2019 -جىلى، رەزەرۆات اۋماعىنا العاشقى 5 بۇقار بۇعىسى قونىستانعان كەزدە جۇزەگە اسقان بولاتىن. 2020 -جىلى وعان تاعى 14 ەرەسەك بۇعى مەن 1 بۇعىنىڭ لاعى قوسىلدى.
«ەكولوگيا مينيسترلىگى جابايى تابيعات قورىمەن (WWF) بىرگە 61 بۇعى اكەل ءۋدى جوسپارلاپ وتىر جانە بۇل - ءبىر جىلداعى رەكوردتىق كورسەتكىش. شىعارۋ ايماعىندا تابيعاتقا شىققان بۇعىلاردى باقىلاۋ ءۇشىن فوتوتۇزاق قويىلدى. بۇعىلاردىڭ پوپۋلياتسياسىن باقىلاۋدى كۇشەيتۋ ءۇشىن جالپى العاندا 9 سپۋتنيكتىك جاعاباۋ پايدالانىلادى»، - دەپ حابارلادى الماتى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسىنىڭ ءبولىم باسشىسى لەونيد سيدورەنكو.
مامانداردىڭ ايتۋىنشا، بۇل تەحنولوگيالار بۇكىل الەمدە قولدانىلادى، ولاردىڭ كومەگىمەن بۇعىنىڭ قوزعالىسىن باقىلاۋعا بولادى.
قۇرىلعىلار اۋىرتپالىقسىز ورناتىلادى جانە جانۋارلارعا ەشقانداي زيان كەلتىرمەيدى. بۇقار بۇعىسى الماتى وبلىسى بالقاش اۋدانىنىڭ اۋماعىندا كەڭ تارالعان. الايدا، وتكەن عاسىردىڭ باسىندا بۇل ءتۇر جوعالا باستادى. بىرنەشە ونجىلدىق وتكەن سوڭ، ول قازاقستاننىڭ تابيعاتىنان مۇلدەم جوعالىپ كەتكەن بولاتىن. بۇگىنگى تاڭدا بۇحارا بۇعىسىنىڭ بۇكىل الەمدەگى سانى - 3500.
«ىلە- بالقاش رەزەرۆاتىندا بۇحار بۇعىلارىنىڭ پوپۋلياتسياسىن قالپىنا كەلتىرۋ وتە تابىستى ءجۇرىپ جاتىر. ءبىز بۇعىلاردىڭ بەيىمدەلگەنىن جانە بۇعىلاردىڭ ءساتتى تولدەۋىن كورىپ وتىرمىز. الدىن الا باعالاۋ بويىنشا، قازىر تابيعاتتا 100 گە جۋىق بۇعى بار»، - دەيدى WWF ورتالىق ازيا باعدارلاماسىنىڭ ديرەكتورى گريگوري مازمانيانس.
توعاي نەمەسە بۇقار بۇعىسى قازاقستاننىڭ قىزىل كىتابىنا ەنگىزىلگەن جانە بۇقار بۇعىلارىن ساقتاۋ جانە قالپىنا كەلتىرۋ ماسەلەلەرى بويىنشا ءوزارا تۇسىنىستىك تۋرالى مەموراندۋممەن حالىقارالىق دەڭگەيدە قورعالادى.
دۇنيەجۇزىلىك جابايى تابيعات قورىنىڭ ارقاسىندا بۇعى 100 -جىل ىشىندە العاش رەت وڭتۇستىك بالقاش ايماعىندا پايدا بولدى. بۇقار بۇعىلارىنىڭ بالقاش اۋدانىنىڭ جابايى تابيعاتىنا ورالۋى - جولبارىس رەينترودۋكسياسى باعدارلاماسىنىڭ ماڭىزدى كەزەڭى.
ونى رەسەيدىڭ WWF جانە ق ر ەكولوگيا، گەولوگيا جانە تابيعي رەسۋرستار مينيسترلىگى بىرلەسىپ جۇزەگە اسىرىپ كەلەدى.
ىلە- بالقاش رەزەرۆاتىندا جولبارىستىڭ مەكەندەيتىن جەرىندە جارامدى ەكوجۇيەنى قالپىنا كەلتىرۋ جوسپارلانىپ وتىرعانى بەلگىلى. رەينترودۋكسيالاۋ باعدارلاماسىنا ساقتالعان جابايى تابيعاتتى قورعاۋ جانە جولاقتى جىرتقىش، سونداي-اق قۇلان، اقبوكەن جانە قاراقۇيرىق راتسيونىنىڭ نەگىزى بولىپ تابىلاتىن تۇياقتى جانۋارلار (توعاي بۇعىسى، ەلىك، جابايى قابان) پوپۋلياتسياسىن قالپىنا كەلتىرۋ جونىندەگى ءىس-شارالار جوسپارلانعان.