كولىكتىك باقىلاۋ دەپارتامەنتىنىڭ (ك ب د) قىزمەتكەرلەرى بيلەتسىز جولاۋشىلاردى انىقتاۋ بويىنشا رەيدتەردى كۇندە وتكىزەدى.
ءمالىم ەتىلگەندەي، كەيبىر ازاماتتار جول ءجۇرۋ اقىسىن ك ب د قىزمەتكەرلەرى اۆتوبۋسقا كىرگەن كەزدە عانا تولەيدى. تەك وتكەن اپتادا (14-21-ماۋسىم) 970 جولاۋشى جاۋاپكەرشىلىككە تارتىلدى. ال بيىلعى 1-قاڭتاردان جول ءجۇرۋ اقىسىن تولەۋدەن جالتارۋدىڭ 60487 فاكتىسى انىقتالدى. ونىڭ ىشىندە 6834 جولاۋشىعا ق ر اكىمشىلىك قۇقىقبۇزۋشىلىق تۋرالى كودەكستىڭ 622-بابى 2-بولىگىمەن جالپى سوماسى 41 ميلليون تەڭگەدەن استام سوماعا ايىپپۇل سالىندى.
سالىستىرۋ ءۇشىن ايتا كەتەيىك، 2021 -جىلى اۆتوبۋستا جول ءجۇرۋ اقىسىن 222415 ازامات تولەمەگەن. ونىڭ ىشىندە 9900 جولاۋشى جالپى سوماسى 57 ميلليون تەڭگەدەن استام سوماعا جاۋاپكەرشىلىككە تارتىلدى. سونداي-اق كولىكتىك باقىلاۋ دەپارتامەنتى اۆتوبۋس جۇرگىزۋشىلەرىنىڭ ايالدامالارعا كىرمەۋ، قوزعالىس ارالىعىن ساقتاماۋ، قوزعالىس سحەماسىن وزگەرتۋ جانە وزگە دە ماسەلەلەرگە مونيتورينگ جۇرگىزەدى.
انىقتالعان بارلىق زاڭ بۇزۋشىلىق بويىنشا كبد قاجەتتى شارا قابىلدايدى. ال جۇيەلى بۇزۋشىلىقتاردى جويۋ بويىنشا اۆتوبۋس پاركتەرىنىڭ باسشىلىعىنا ۇسىنىمدار بەرىلەدى.