قاراعاندى وبلىسىنىڭ اۆتوجولدارىندا 60 تان استام ادام قۇتقارىلدى
الايدا سوعان قاراماستان الىس جولعا شىققاندار بار. ءوڭىردىڭ ت ج د، پوليتسيا جانە اسكەري قىزمەتشىلەرى جولدا قالىپ قويعان 60 تان استام ادامدى قۇتقارىپ، ەۆاكۋاتسيالادى، دەپ حابارلايدى قازاقپارات ءتىلشىسى.
تاعى ءۇش جول ۋچاسكەسىندە كولىك قوزعالىسى شەكتەلدى كەپتەلىستە تۇرعان اۆتوموبيلدەردەن اۆتوجولداردى جابۋ ورىندارىندا ت ج دەپارتامەنتىنىڭ، ق ر ت ج م 52859 اسكەري ءبولىمى، اپاتتار مەديتسينالىق ورتالىعى جانە پوليتسيانىڭ كۇشىمەن ادامداردى ەۆاكۋاتسيالاۋ جانە ولاردى ەلدى مەكەندەر مەن جىلىتۋ بەكەتتەرىنە جەتكىزۋ جۇرگىزىلۋدە. وبلىس بويىنشا بارلىعى 63 ادام قۇتقارىلىپ، ەۆاكۋاتسيالاندى، ونىڭ ىشىندە 7 بالا بار.
قاراعاندى وبلىسىنىڭ ت ج د قىزمەتكەرلەرى تۇرعىندارعا كەلەسىدەي ەسكەرتۋ جاسايدى:
- ەلدى مەكەندەردەن تىس جەرلەرگە شىقپاڭىزدار!
- اۆتوجولداردا جابىلۋ ورىندارىندا كولىك قۇرالدارىنىڭ جينالۋىنا جول بەرمەڭىزدەر!
- مۇمكىندىگىنشە ەلدى مەكەندەردە، كەمپينگتەردە، جول بويىنداعى كافەلەرگە توقتاپ، اۋا- رايىنىڭ جاقسارۋىن كۇتىڭىزدەر!
- اسىرەسە تۇندە جانە اۋا- رايى ناشارلاعان كەزدە الىس قاشىقتىققا جاياۋ جۇرۋدەن باس تارتىڭىزدار!
- اۋا- رايىنىڭ وزگەرۋىنە سايكەس كيىنىڭىزدەر. بارلىق وقيعالار مەن ت ج فاكتىلەرى تۋرالى 112 نەمەسە 87212433636، 433737 تەلەفوندارى ارقىلى حابارلاسۋعا بولادى. ت ج د جەدەل شتابىنىڭ جەدەل جەلى تەلەفونى 517223.