مەرەكە كۇندەرى قارساڭىندا ەلوردالىق پوليتسەيلەر قوعامدىق پوليتسيا كومەكشىلەرىمەن بىرلەسىپ «قۇقىقتىق ءتارتىپ» جەدەل- پروفيلاكتيكالىق شاراسىن وتكىزىپ جاتىر، ول 31 - جەلتوقسانعا دەيىن جالعاسادى.
ءىس- شارا قوعامدىق قاۋىپسىزدىكتى قامتاماسىز ەتۋ، كوشەدەگى جانە قوعامدىق ورىندارداعى قاجەتتى ءتارتىپتى ساقتاۋ، قىلمىسقا قارسى كۇرەستى كۇشەيتۋ جانە استانا اۋماعىندا قىلمىس پەن قۇقىقبۇزۋشىلىقتى ەسكەرتۋ ماقساتىندا ءوتىپ جاتىر.
ج پ ش باستالعالى 100-دەن اسا قىلمىس اشكەرە بولىپ، ىزدەۋدە جۇرگەن 11 قىلمىسكەر ۇستالدى. 2800 اكىمشىلىك قۇقىقبۇزۋشىلىق انىقتالىپ (ولاردىڭ 1300-دەن كوبى تىركەۋسىز نەمەسە قۇجاتسىز تۇرىپ جاتقاندار)، ق ر- دا ءجۇرىپ- تۇرۋ ەرەجەسىن بۇزعان شەتەلدىكتەردىڭ 330 فاكتىسى تىركەلدى. 150-دەن اسا بۇزاقىلىق پەن ماس كۇيىندە كولىك ايداعان 60 جۇرگىزۋشى ۇستالدى.