تاسقىننان باسپاناسى جارامسىز بولعان تۇرعىندارعا ءۇي ساتىپ الۋ ءۇشىن 60 ميلليون تەڭگە بولىنەتىن بولدى، دەپ حابارلايدى قازاقپارات ءتىلشىسى.
كەزدەسۋ بارىسىندا دانيال احمەتوۆ ەلدىڭ تالاپ- تىلەكتەرىن تىڭداپ، اپاتتىڭ زاردابىن جويۋ بويىنشا اتقارىلاتىن جۇمىستارمەن تانىستى. اۋداندا ءالى دە بولسا تابيعي سيپاتتاعى توتەنشە جاعداي ساقتالۋدا.
سوڭعى دەرەك بويىنشا پروگرەسس، بەلوۋسوۆكا، پرەدگورنوە جانە گلۋبوكوە كەنتىندەگى 176 ۇيگە ارناسىنان اسقان وزەن سۋى كىرىپ كەتكەن.
« زارداپ شەككەن ازاماتتار ءۇشىن مەكتەپتەردە ۋاقىتشا تۇراتىن ورىن ۇيىمداستىرىلدى. ەكى كۇننىڭ ىشىندە جاعدايدى باعالاپ، جۇمىس ىستەيمىز. كىمدە- كىمنىڭ ءۇيى قيراپ، مۇلدەم ىسكە جارامسىز بولسا، ءۇي ساتىپ الىپ بەرەمىز. ول ءۇشىن اۋدانعا 60 ميلليون تەڭگە ءبولىندى. بارلىق شىعىندارىڭىز ەسەپتەلىپ، ورنى وتەلەدى. ءبىراق، جاعدايدى پايدالانىپ، ۇيلەرىن ءوز قولىمەن قيراتۋ دەگەن بولماسىن، - دەدى دانيال احمەتوۆ.
ايتا كەتۋ كەرەك، تۇرعىنداردىڭ كيىم- كەشەك، ازىق- تۇلىك سياقتى تۇرمىستىق قاجەتتىلىكتەرى ءۇشىن كەشە 10 ميلليون تەڭگە جولدانعان بولاتىن.