قوستاناي وبلىسى الەمنىڭ 60 ەلىنە تاۋار ەكسپورتتايدى
قوستاناي وبلىسى اكىمىنىڭ ورىنباسارى مەيىرجان مىرزاليەۆتىڭ ايتۋىنشا، ءوڭىردىڭ 2017 -جىلعى سىرتقى ساۋدا- ساتتىعى 2 ميلليارد دوللاردان اسىپ تۇسكەن. بۇل الدىڭعى جىلمەن سالىستىرعاندا 23,6 پايىزعا ارتىق.
«ەلباسى 2025 -جىلعا دەيىن شيكىزاتتىق ەمەس ەكسپورت كولەمىن ەكى ەسەگە ۇلعايتۋدى تاپسىرعانى ءمالىم. سوندىقتان ەكسپورتتاۋ ايماعىن كەڭەيتۋ ماڭىزدى بولىپ وتىر. قوستاناي وبلىسىنىڭ نەگىزگى شيكىزات كوزى - اگرارلىق سەكتور مەن ءوندىرىس. ەلدىڭ 24 پايىز ەگىس القابى ءبىزدىڭ وبلىسقا تيەسىلى. بۇعان قوسا شەكەمتاس پەن اسبەست 100 پايىز قوستانايدا وندىرىلەدى. سوعان قاراماستان ءبىز ەكسپورت كولەمى بويىنشا قازاقستاندا 11-ورىندامىز»، - دەدى مىرزاليەۆ ءوز بايانداماسىندا.
مىرزاليەۆتىڭ مالىمەتىنە سۇيەنسەك، وبلىس ەكسپورتىنىڭ 47,6 پايىزى مينەرالدى ونىمدەردەن تۇرادى. اتاپ ايتقاندا، تەمىر كونسەنتراتى مەن رۋداسى، اسبەست پەن شەكەمتاس ءوتىمدى ونىمدەر ساناتىنا كىرەدى. مۇنان سوڭ ازىق- تۇلىك تاۋارلارىنان دا پايدا تۇسەدى. بيداي، زىعىر تۇقىمى، كونديتەرلىك تاعامدار اۋعانستان، وزبەكستان جانە رەسەيگە ەكسپورتتالادى.
«بىلتىر مەتالل بۇيىمدارىن ساتۋدان 31,8 ميلليون دوللار پايدا ءتۇستى. ولاردىڭ كوبى رەسەي، تاجىكستان، قىرعىزستانعا وتكىزىلدى. اۋىلشارۋاشىلىق قوسالقى بولشەكتەرى مەن قاعاز ونىمدەرى 10,9 ميلليون دوللارعا ساتىلدى. جالپى، قوستاناي وبلىسى الەمنىڭ 60 ەلىنە تاۋار تاسىمالدايدى»، - دەدى وبلىس اكىمىنىڭ ورىنباسارى.
قوستاناي وبلىسى الەمنىڭ 60 ەلىنە تاۋار ەكسپورتتايدىوڭىر باسشىسى ارحيمەد مۇحامبەتوۆ ەكسپورتتىق ءال- اۋقاتتى دامىتۋ ءۇشىن كەدەرگىلەردى انىقتاپ الۋدى تاپسىردى.
«وبلىستا الەۋەتتى دەگەن كاسىپورىن، زاۋىتتار جەتەرلىك. ءوز ونىمدەرىمىزدى ەكسپورتقا شىعارىپ پايدا تابۋ كەرەك. نارىق بولعان سوڭ وزىندىك قيىندىقتارى بولاتىنى انىق. سولاردى جان- جاقتى تالداڭىزدار. پروبلەما بولسا، ءتيىستى ورگاندار كومەكتەسەدى. بىرىگىپ قيمىلداساڭىزدار ناتيجەسى دە جاقسى بولادى. قوستانايلىق ونىمدەردىڭ وتىمدىلىگىن ۇلعايتۋ ءۇشىن جاڭا نارىققا شىعۋ قاجەت. سونىڭ جۇيەسىن ازىرلەڭىزدەر»، - دەدى ا. مۇحامبەتوۆ.
وبلىس اكىمى كاسىپورىن باسشىلارىن سىرت ەلدەرگە تاۋار وتكىزۋدە كەزدەسەتىن كەدەرگىلەردى ايتىپ، ولاردى بىرگە شەشۋگە شاقىردى.
اۆتور: قاسقىرباي قويشىمانوۆ