بايقوڭىردا جەر سەرىگى ۇشىرىلۋىنىڭ 60 جىلدىعى اتالىپ وتىلەدى

بايقوڭىر. قازاقپارات - بايقوڭىر قالاسى اكىمشىلىگىنىڭ باسشىسى كونستانتين بۋسىگين مەن قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارنايى وكىلى سەرىك قوجانيازوۆ الداعى عارىش مەرەيتويىنا ارنالعان بريفينگ وتكىزدى، دەپ حابارلايدى «قازاقپارات» ح ا ا ءتىلشىسى.

 2017 -جىلدىڭ 4 - قازانىندا اتالىپ وتىلەتىن مەرەيتويلىق داتا - جەردىڭ العاشقى جاساندى سەرىگى (ج ج س) ۇشىرىلۋىنىڭ 60 جىلدىعى اياسىندا اۋقىمدى ءىس- شارالار كەشەنى جوسپارلانعان، دەپ حابارلايدى قالا اكىمشىلىگىنىڭ باسپا ءسوز قىزمەتى.

ب ا ق وكىلدەرىمەن كەزدەسۋ بارىسىندا باسشىلار اتاپ وتكەندەي، رەسەيلىك جانە قازاقستاندىق تاراپپەن مەرەيتويلىق راسىمگە دايىندىق اياسىندا عانا ەمەس، سونداي- اق جالپى «بايقوڭىر» كەشەنىن دامىتۋ بويىنشا اۋقىمدى بىرلەسكەن جۇمىستار جۇرگىزىلۋدە.

اتاپ ايتقاندا، «بايقوڭىر» كەشەنى جونىندەگى رەسەي- قازاقستان ۇكىمەت ارالىق كوميسسياسى 5-وتىرىسىنىڭ قورىتىندىسى بويىنشا ۇشىرۋ مۇمكىندىگىن ەسكەرە وتىرىپ، ۇشىرۋ سىناقتارىن 2022 -جىلى باستاۋدى قامتاماسىز ەتۋ ءۇشىن «بايتەرەك» عارىش زىمىران كەشەنىن قۇرۋدى جىلدامداتۋ تۋرالى شەشىم قابىلداندى.

 قازىرگى تاڭدا قالا ينفراقۇرىلىمىن جاقسارتۋعا، ينۆەستيتسيا تارتۋعا، شاعىن جانە ورتا بيزنەستى دامىتۋعا، قالادا جاڭا جۇمىس ورىندارىن اشۋعا جانە حالىقتى جۇمىسپەن قامتاماسىز ەتۋ ماسەلەسىن شەشۋگە مۇمكىندىك بەرەتىن «2017-2025 -جىلدارعا ارنالعان بايقوڭىردى بىرلەسىپ دامىتۋ» ۇزاق مەرزىمدى باعدارلاما جوباسى جاسالدى.