قازاق- قىرعىز شەكاراسىندا 60 توننا كونتراباندالىق تاۋار ۇستالدى
10:50, 16 - ماۋسىم 2015
استانا. قازاقپارات - قازاق- قىرعىز شەكاراسىندا ورنالاسقان «سىپاتاي باتىر» باقىلاۋ- وتكىزۋ بەكەتىنىڭ باقىلاۋشىلارى ەلىمىزگە ۇلكەن كولەمدە حالىق تۇتىناتىن تاۋارلاردى زاڭسىز تۇردە الىپ وتۋگە تىرىسقان قازاقستاننىڭ 4 ازاماتىن ۇستادى.
ق ر ۇ ق ك شەكارا قىزمەتى باسپا ءسوز قىزمەتىنىڭ حابارلاۋىنشا، ءتورت بىردەي «كاماز» جۇك كولىگىنە شەكارالىق تەكسەرۋ كەزىندە شەكاراشىلار 60 توننا جۇكتىڭ جالعان قۇجاتپەن وتكەلى تۇرعاندىعىن انىقتادى. جۇكتىڭ جالپى باعاسى 9646000 تەڭگە بولىپ شىقتى. نەگىزىنەن اياقكيىمدەر.
اتالعان دەرەك بويىنشا ماتەريالدار جامبىل وبلىستىق مەملەكەتتىك كىرىس دەپارتامەنتىنىڭ ەكنوميكالىق تەرگەۋلەر قىزمەتىنە بەرىلدى.