جىل سايىن «جاس ۇلان» اسكەري-پاتريوتتىق مەكتەبىن 600 وقۋشى ءتامامدايدى
بۇل تۋرالى ورتالىق كوممۋنيكاتسيالار قىزمەتىندە وتكەن بريفنگىدە اسكەري ءبىلىم جانە عىلىم دەپارتامەنتىنىڭ باسشىسى جۇمابەك احمەتوۆ ايتتى، دەپ حابارلايدى قازاقپارات ءتىلشىسى.
«قازاقستان قارۋلى كۇشتەرىندەگى جالپى ورتا ءبىلىم بەرۋدى الماتى، قاراعاندى جانە شىمكەنت قالالارىنداعى «جاس ۇلان» رەسپۋبليكالىق مەكتەپتەرى ۇسىنادى. مەكتەپتەردىڭ نەگىزگى مىندەتى - ساپالى جالپى ورتا ءبىلىم بەرۋمەن قاتار وقۋشىلاردى كاسىپتىك باعدارلانعان باستاۋىش وقىتۋ. مەكتەپتەردە وقۋ مەرزىمى 2 جىل. مەكتەپكە 9- سىنىپتى بىتىرگەن جانە نەگىزگى ورتا ءبىلىم تۋرالى كۋالىك العان، وقۋعا ءتۇسۋ جىلىنا كەمىندە 15، ءبىراق 16 جاستان اسپاعان ق ر ازاماتتارى قابىلدانادى. جىل سايىن «جاس ۇلان» رەسپۋبليكالىق مەكتەپتەرىن شامامەن 600 وقۋشى بىتىرەدى»، - دەپ ءمالىم ەتتى دەپارتامەنت باسشىسى.
جۇمابەك احمەتوۆتىڭ دەرەگىنشە، بيىلدان باستاپ مەرزىمدى اسكەري مىندەتىن اتقارعان جاستار قورعانىس مينيسترلىگىنىڭ وقۋ ورىندارىنا ەمتيحانسىز قابىلداناتىنىن ايتقان ەدى.