«زاۋىت قۇرىلىسىن «بوتا-2015» جاۋاپكەرشىلىگى شەكتەۋلى سەرىكتەستىگى قولعا العان. قازىرگى كەزدە عيماراتتىڭ قابىرعالارى تۇرعىزىلىپ، قويمانىڭ قۇرىلىس-مونتاج جۇمىستارى، تەمىرجول قۇرىلىسى اياقتالۋعا جاقىن. وسى زامانعى قوندىرعىلارمەن جابدىقتالعان زاۋىتتا مايلى داقىلداردى وڭدەپ، تاياۋ شەتەل نارىعىنا ەكسپورتتاۋ جوسپارلانعان»، - دەيدى بۇلاندى اۋدانى اكىمدىگىندەگىلەر.
جوبانىڭ قۇنى 4,2 ميلليارد تەڭگەگە باعالانىپ وتىر. كاسىپورىن اشىلسا، جەرگىلىكتى 80 ادام جۇمىسپەن قامتىلادى. ەلىمىز بويىنشا وسى تەكتەس زاۋىت الماتى قالاسىندا عانا بار. مۇنداي ءوندىرىس ورىندارىن سالۋ - تەرەڭدەتىلە وڭدەلگەن، قۇنى جوعارى ءونىم ەكسپورتىنا وتۋگە مۇمكىندىك بەرەدى.