رەسەيدە كوروناۆيرۋسقا شالدىققاندار سانى 600 مىڭنان استى
بۇل تۋرالى سارسەنبى كۇنى جاڭا كوروناۆيرۋس ينفەكسياسىنىڭ تارالۋىنا قارسى كۇرەس جەدەل شتابىنان مالىمدەدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
مالىمەتتەرگە سايكەس، ءبىر تاۋلىكتەگى ءوسىم % 1,2- عا تومەندەپ، رەكوردتىق كورسەتكىش كورسەتكەن. بۇعان دەيىن % 1,3 دەڭگەيىندە بولعان. قازىرگى ۋاقىتتا ەم قابىلداپ جاتقاندار سانى - 229546 ادام. كوروناۆيرۋسقا شالدىعىپ، جازىلىپ شىققاندار سانى وتكەن تاۋلىكتە 12393 ادامدى قۇرادى. بۇل - ينفەكسيا باستالعان ۋاقىت ىشىندەگى رەكوردتىق كورسەتكىش.
دەرەكتەرگە سايكەس، بارلىعى 368822 ادام اۋرۋحانادان ەمدەلىپ شىققان، بۇل رەسەيدە كوروناۆيرۋس جۇقتىرعانداردىڭ جالپى سانىنىڭ % 60,7 قۇراپ وتىر. ءبىر تاۋلىكتە كوروناۆيرۋستان قايتىس بولعاندار سانى 154 ادام، ر ف- تە جالپى ينفەكسيادان 8513 ادام كوز جۇمدى. بۇل - رەسەيدە اۋرۋ جۇقتىرعانداردىڭ جالپى سانىنىڭ 1,4 پايىزى.