«وتكەن جىلى 661 كوپبالالى وتباسىنا باسپانا بەرىلدى. ونىڭ ىشىندە 10 پاتەر دەمەۋشىلىك قاراجات ەسەبىنەن الىندى. «باقىتتى وتباسى» باعدارلاماسى اياسىندا كوپبالالى وتباسىلارعا 284 پاتەر ساتىپ الىندى» ، - دەدى الماتى قالاسى اكىمىنىڭ ورىنباسارى ساپاربەك تۇياقبايەۆ.
ونىڭ ايتۋىنشا، «باقىتتى وتباسى» جانە «ISKER ANA» ورتالىقتارىنداعى ايەلدەر كاسىپكەرلىگىن دامىتۋ باعدارلاماسى بيىل دا جالعاسادى. سونىمەن قاتار، مەملەكەتتىك تۇرعىن ءۇي باعدارلامالارى اياسىندا 500 دەن استام كوپبالالى جانۇيا باسپانامەن قامتاماسىز ەتىلەدى.
«باقىتتى وتباسى» الەۋمەتتىك ورتالىعىنا 5692 وتباسى كەلدى. الەۋمەتتىك مۇعالىمدەر 3686 بالاعا قىزمەت كورسەتتى. 776 ادام زاڭگەردىڭ، 3766 الەۋمەتتىك قىزمەتكەردىڭ، 1166 مەديتسينا مامانىنىڭ، 567 پسيحولوگتىڭ قىزمەتتەرىن پايدالاندى. باسسەين مەن فيتنەس- زالعا بارۋ ءۇشىن 1298 كوبالالى اناعا سەرتيفيكات بەرىلدى» ، - دەدى ساپاربەك تۇياقبايەۆ.
2019 -جىلدىڭ تامىز ايىنان باستاپ قالانىڭ بارلىق 8 اۋدانىندا «باقىتتى وتباسى» ورتالىقتارى جۇمىس ىستەپ جاتىر. وندا 13474 ادام «ISKER ANA» بازالىق ترەنينگتەرىنەن ءوتتى، 6900 وقۋشى وقۋ كۋرستارىنا قاتىستى.