قوسشى كەنتىندە 600 ورىندىق جاڭا مەكتەپ- ليسەي اشىلدى
ءبىلىم ورداسىندا 600 وقۋشى ءبىلىم الۋدا. عيمارات قۇرىلىسىنا ينۆەستور - «Kazyna-SR» ج ش س 450 ميلليون تەڭگە قارجى قۇيعان. ونى مەردىگەر «Silk-Road Corporation» ج ش س- گى 2017 -جىلى قولعا الىپ، بيىل اياقتاپ وتىر.
«Kazyna-SR» ج ش س ديرەكتورى سايرا ماتايبايەۆانىڭ ايتۋىنشا، بۇل جەكەمەنشىك ءبىلىم ورداسى جاراتىلىستانۋ- ماتەماتيكالىق باعىتتا جۇمىس ىستەيتىن بولادى. وقۋشىلاردى اعىلشىن ءتىلى جانە كاسىپكەرلىككە ماشىقتاندىرادى. جاس ۇرپاققا ساپالى ءبىلىم مەن سانالى تاربيە بەرۋدە مۇعالىمدەردىڭ ءبىلىمدى دە بىلىكتى بولۋىمەن بىرگە، مەكتەپتىڭ ماتەريالدىق- تەحنيكالىق جاراقتاندىرىلۋى مەن وزىق وقۋ قۇرالدارىمەن جەتكىلىكتى قامتاماسىز ەتىلۋىنە زور ءمان بەرىلىپ وتىر. مەكتەپ كابينەتتەرى زاماناۋي تەحنولوگيامەن جابدىقتالىپ، بارلىعىنا دەرلىك ينتەراكتيۆتى تاقتا ورناتىلعان. بارلىعى 4-تەن 11-گە دەيىنگى 25 سىنىپ بار.
جاڭا ءبىلىم ورداسىنىڭ اشىلۋ سالتاناتىنا ايماق باسشىسى ەرمەك مارجىقپايەۆ قاتىسىپ، وقۋشىلار مەن ۇستازداردى وسىناۋ قۋانىشتارىمەن قۇتتىقتادى.
«بۇگىن بارشامىز تاريحي وقيعانىڭ كۋاسى بولىپ وتىرمىز. كۇننەن كۇنگە ەلوردامەن قۇلپىرىپ دامىپ، حالىق سانى ارتىپ كەلە جاتقان قوسشى تۇرعىندارى ءۇشىن جاڭا مەكتەپ- ليتسەيى ق ر تۇڭعىش پرەزيدەنتى كۇنى قارساڭىنداعى ۇلكەن سىي بولدى. مەملەكەت باسشىسى قاسىم- جومارت توقايەۆ ءوزىنىڭ جولداۋىندا الەۋمەتتىك سالاعا، ونىڭ ىشىندە ءبىلىم بەرۋ، مەديتسينا جانە حالىقتىڭ ءال- اۋقاتىن ارتتىرۋعا كوڭىل ءبولۋدى تاپسىرعان ەدى. بۇگىن ەسىگىن اشقالى وتىرعان ءبىلىم ورداسى تسەلينوگراد اۋداندىق ءماسليحاتىنىڭ دەپۋتاتى، جەكە كاسىپكەر سايرا ماتايبايەۆانىڭ پرەزيدەنت جولداۋىنداعى مىندەتتەردى جۇزەگە اسىرۋعا قوسىپ وتىرعان ازاماتتىق باستاماسى، - دەدى ەرمەك مارجىقپايەۆ.
ايماق باسشىسى اتاپ وتكەندەي، قازىرگى تاڭدا سەلينوگراد اۋدانىندا تۇرعىنداردىڭ سانى ارتقان سايىن مەكتەپتە ورىن تاپشىلىعى سەزىلەدى. اعىمداعى جىلدىڭ كوكتەمىندە وڭىرگە جۇمىس ساپارىمەن كەلگەن مەملەكەت باسشىسى قاسىم- جومارت توقايەۆ وسى ماسەلەنى شەشۋ تۋرالى ناقتى تاپسىرما بەرگەن بولاتىن.
بۇل ماسەلە، اقمولا وبلىسىندا بىرتىندەپ شەشىلىپ كەلەدى. ماسەلەن، بيىلعى وقۋ جىلىندا بۋراباي اۋدانىندا 700 ورىندىق مەكتەپ پايدالانۋعا بەرىلسە، كوكشەتاۋ قالاسىندا 4 مەكتەپكە قوسىمشا عيمارات سالىنۋدا.
ال، قازىرگى تاڭدا سەلينوگراد اۋدانىنىڭ قوياندى، قوسشى جانە قاجىمۇقان اۋىلدارىندا بارلىعى 2700 وقۋشىعا ارنالعان ءۇش مەكتەپتىڭ قۇرىلىسى جۇرگىزىلۋدە.
بۇدان بولەك، سەمەنوۆكا (120 ورىندىق) جانە شۇبار (300 ورىندىق) اۋىلدارىندا ەكى مەكتەپتىڭ جوبالىق- سمەتالىق قۇجاتتارى ازىرلەنۋدە.
ال، 2020-2021 -جىلدارى قوسشى كەنتىندە اربىرەۋى 1200 وقۋشىعا ارنالعان تاعى ەكى مەكتەپ سالۋ جوسپارلانعان.
سالتاناتتى شارا بارىسىندا ايماق باسشىسى ەرمەك مارجىقپايەۆ پەن جەكە كاسىپكەر سايرا ماتايبايەۆا جاڭا مەكتەپتىڭ لەنتاسىن قيدى. سونىمەن قاتار، شاراعا ق ر ءبىلىم جانە عىلىم ۆيتسە- ءمينيسترى بيبىگۇل اسىلوۆا قاتىستى.
ءوز كەزەگىندە اۋدان تۇرعىندارى اتىنان ءسوز سويلەگەن سەلينوگراد اۋدانىنداعى «رودينا» اگروفيرماسى» ج ش س- ءنىڭ باس ديرەكتورى، قازاقستاننىڭ ەڭبەك ەرى يۆان ساۋەر يگى ءىستى قولعا العان كاسىپكەرگە ريزاشىلىق سەزىمىن ءبىلدىردى.
اۆتور: اسلان وسپانوۆ