كوميسسيا ءتوراعىسىنىڭ ورىنباسارى كونستانتين پەتروۆتىڭ ايتۋىنشا، بىلتىر كوميسسياسى اۋىل اكىمدەرىن سايلاۋ ناۋقاندارىن ءجىتى باقىلادى. جالپى، وتكەن جىلى اۋماقتىق كوميسسيالار 570 اكىمنىڭ سايلاۋىن ۇيىمداستىردى.
«2018 -جىلى قازاقستاندا بارلىعى 2429 سايلانبالى اكىم بولدى. دەمەك، سولاردىڭ تورتتەن بىرىنە (#) جۋىعى قايتا سايلاندى. اكىمدەردىڭ وكىلەتتىلىكتەرىن تاپسىرۋدىڭ نەگىزگى سەبەپتەرى - ءوز وتىنىشىمەن جۇمىستان كەتۋ (254 ادام)، باسقا قىزمەتكە تاعايىنداۋ (137 ادام)، وكىلەتتىلىكتەردىڭ اياقتالۋى (98 ادام) جانە تاعى باسقا»، - دەدى ك. پەتروۆ كوميسسيانىڭ كەڭەيتىلگەن وتىرىسىندا.
ونىڭ سوزىنە قاراعاندا، بىلتىر سايلاۋ زاڭناماسىن جەتىلدىرۋگە قاتىستى ءبىراز شارالار اتقارىلعان. سونىڭ ناتيجەسىندە ءماسليحاتتاردىڭ پروپورتسيونالدى سايلاۋ جۇيەسى ەنگىزىلىپ وتىر. ساياسي پارتيالاردىڭ ايماقتارداعى ءرولى كۇشەيەدى. بۇدان بولەك، سايلاۋشىلاردىڭ تىزىمدەرى مەن مالىمەتتەرى جەكە تۇلعالار تۋرالى مەملەكەتتىك دەرەكتەر قورىنىڭ نەگىزىندە قالىپتاستىرۋ جۇمىسى قولعا الىندى.
اتالعان شارا سايلاۋشىلاردىڭ ءتىزىمىن كەڭەيتۋگە جول اشادى، پرەزيدەنتتى، پارلامەنت ءماجىلىسى مەن ءماسليxات دەپۋتاتتارىن سايلاۋ بويىنشا ازاماتتاردىڭ كونستيتۋتسيالىق قۇقىقتارىن كەدەرگىسىز ىسكە اسىرۋىنا مۇمكىندىك بەرەدى.
سايلاۋالدى پىكىرتالاستاردى وتكىزۋ قۇقىعى ايماقتىق سايلاۋ كوميسسيالارىنا بەرىلگەن. وسىلايشا، ءماسليحات دەپۋتاتتىعىنا ۇمىتكەرلەر جەرگىلىكتى دەڭگەيدە ءوز سايلاۋالدى تۇعىرنامالارى بويىنشا پىكىرسايىستار وتكىزە الادى.
«ال سايلاۋ كوميسسيالارى قۇرامىنىڭ جارتىسىنان كوبى ءبىر ۇيىمنىڭ قىزمەتكەرلەرى بولماۋى كەرەك. كوميسسيا قۇرامىنا جاقىن تۋىستاردىڭ كىرۋىنە شەكتەۋ ەنگىزىلدى»، - دەپ اتاپ كورسەتتى ك. پەتروۆ.